2 TESALONIKA 1:5 - AMÜSÜH HÜM CL Bible (BSI)

⁵ Ha Thrünpuh thiyuro-lungki yukhapkhi thiyumütsan ah, junangde küpü thsungkheak nüsa thsünüde lanü, nüsa ju Thrünpuh kiulongthsü thülünde akambah.

2 TESALONIKA 1:5 Iomraidhean Croise

JOB HU H T ANYU 8:3

Thrünpuhnü thiyuro ahorimüchihcho de? Yungsho Wutonü alungki ahorimüchihcho de?

MUNGSHIKHÜN 111:7

Api khah rhimobo ju alungki tüsho thiyuro; api yakliyakko alala athülünkhi lah.

MUNGSHIKHÜN 33:5

Apinü thiyuro-lungki tüsho thiyuro muzholah; alomi ju Atungpuh muzhodakkhinü milah.

MUNGSHIKHÜN 50:6

Yinmibonü api thiyuro-lungki khipkhitchoh, tümüde Thrünpuh ju mahkhaprü ah.

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

LUKNÜ ATHRÜTKHI THIYUSHEAK-ATSÜ HUHTANYU 20:35

Tüshe sherü ju lün ching athülün kheba, tüsho ashe chingnü arhang kamlobanü, mürhang yungsho yamkhün müthsü;

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

FILIPI 1:28

Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah.

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 16:7

Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.