2 SAMUEL 9:7 - AMÜSÜH HÜM CL Bible (BSI)

⁷ Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

2 SAMUEL 9:7 Iomraidhean Croise

THRÜNTAN 43:18

Kheakü mihtsürübo trede alakheah, tümütüsho arübo Josep yam ching bede yüzah; tüsho arünü tha, “Ha atan isa shungliu-qiuqiubo ching sho yuklojihkhi dünkheaknü isa ha ching beyuka lah, junangde apinü adükeak kheahbah isa yandobah isa yo donkibo lubah tüsho isa azhorü kamshihpü thsüchoh.”

THRÜNTAN 43:23

Tüshe apinü tha, “Nüsa tümü müthsü, dütre. Nüsa le nüsa abuh Thrünpuhnü nüsa shungliu-qiuqiubo ching nüsa kilim rahpung yukjihdo; nüsa sho a le inü ludo.” Jushu apinü arü kilim Simeon bede akhiuk.

2 SAMUEL 12:8

inü nü putungrü yamkhün tüsho nü putungrü niubebo nü khüh kheak jih tüsho Israel yamkhün le Juda jih; tüsho ju mudukkea lasho, inü ahihdo yuklojihpü lakheah.

2 SAMUEL 19:28

Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

2 SAMUEL 19:29

Kiulongthsüpuhnü api ki tha, “Nü yihnüpü tümüde alü thacho? Inü pungkhido: nü tüsho Zeba thulubo chambah.”

2 SAMUEL 19:33

Kiulongthsüpuhnü Barzillai ki tha, “I lung arang tüsho Jirusalem ching I ki laang, tüsho inü nü thsungkheak jihchungbah.”

2 SAMUEL 21:7

Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

2 SAMUEL 9:1

Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

2 SAMUEL 9:10

Nü tüsho nü tsührübo le nü yamlarübonü api thsungkheak thulu thsübah tüsho yimlubah, junangde nü putungpuh tsührü-tsührü tsühyungpü ngübah; tüshe nü putungpuh tsührü-tsührü Mephiboshet a kamruhroro I dükhüm kheak yimtsühbah.” Kheakü Zeba tsührü athrürü 15 tüsho yamlarü 20 lakheah.

2 SAMUEL 9:11

Judüki Zebanü kiulongthsüpuh ki tha, “I tungpuh kiulongthsüpuhnü api yamlarü ki thiyukhüm jihkhi alala yande nü yamlarünü arhimobah.” Mephiboshet a kiulongthsürü tsührü nangde David dükhüm kheak yimtsüh.

2 SAMUEL 9:13

Mephiboshet a Jirusalem ching la, tümüde api kamruhroro kiulongthsüpuh dükhüm kheak yimtsüh. Kheakü api ajing ane chido kika lakheah.

2 SAMUEL 9:3

Kiulongthsüpuhnü tha, “Inü Thrünpuh mihmuzho huhpü thsüde Saul yamkhün khürü aninga la shi?” Zebanü kiulongthsüpuh ki alo, “Jonathan tsührü aninga lah; api jing kika lah.”

1 KIULONG THSÜRÜ 2:7

Judüalalashe, Gileadrü Barzillai tsührübo kheak tsüde rhimoang, tüsho arübo a nü dükhüm kheak yimtsührü bolung beshang; tümüde küyimki I nü khiung Absalom kheaknü alihde atsokheanü arünü thiyuro-amuzhonü I shoru.

2 KIULONG THSÜRÜ 25:29

Jumonü Jehoiakinnü anihbuh rihyam khim müthriabah. Api rhangdung ching nimung aban mutukzhakde kiulongthsüpuh miki tsühyungde alakheah.

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

JEREMIA 52:33

Jumonü Jehoiakinnü api rihyam khimmihbo müthri, tüsho api rhangdung ching nimung aban kiulongthsüpuh dükhüm kheak yimtsüh.

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

MATHI 6:11

Khihni isa kilim nimung aban tsühyungpü kü;

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.

1 SAMUEL 20:15

Atungpuhnü David riribo alomi kheaknü shahde dükheakshih-a lalashe nü thiyuro amuzho I yamkhün kheaknü düluakhin.”

1 SAMUEL 22:23

I lung laang, tüsho dütre, tümüde shepünü I rhangdung yimchonü nü rhangdung yimchoh; nü I lung khümkhitbah.”