2 SAMUEL 9:1 - AMÜSÜH HÜM CL Bible (BSI)

¹ Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

2 SAMUEL 9:1 Iomraidhean Croise

2 SAMUEL 1:26

I nü thsungkheak mulong rozhaklah, I keonio Jonathan; nünü I kheak khide muzhodakde alakheah; nünü I muzhokhi amüyinsahbe, aliberü muzhokhi kheaknü alü lakheah.

2 SAMUEL 21:7

Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

1 KIULONG THSÜRÜ 2:7

Judüalalashe, Gileadrü Barzillai tsührübo kheak tsüde rhimoang, tüsho arübo a nü dükhüm kheak yimtsührü bolung beshang; tümüde küyimki I nü khiung Absalom kheaknü alihde atsokheanü arünü thiyuro-amuzhonü I shoru.

MÜCHITMUDU 27:10

Nü müyamrü yungsho nü buh müyamrü dübahyuk, tüsho nü thsünü nimung nü keoniorü yam ching düyü; tümüde limshude alakhi nü keniorü kheaknü phünide alakhi nü yamhingrü atsübe ah.

MATHI 10:42

Tüsho sherünü harü anini bolung khülang kilim I jingyanrü thsümonü kerüng pungkhüh lang she aduhbanü, inü nüsa ki thiyuro thachoh, tsükjide api thsambah müdükheak.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MARK 9:41

Nüsa Khrista yo thsümonü shepünü nüsa kilim ke pung khülang jih-a yungshihbanü, atsütsü inü nüsa ki thachoh, küdüküdü she api thsambah müdükheak.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 SAMUEL 20:42

Judüki Jonathannü David ki tha, “ Mungtsü chingnü yüang, tümüde ike chidonü Atungpuh mung chingnü thiyuchihchimde tha, ‘Ike dükeak, tüsho I tsühsoniuso le nü tsühsoniuso dükeak lünnü Atungpuh labah.’” Apinü asürü tüsho tsoabah; tüsho Jonathan a kiuto ching yü.