2 SAMUEL 8:14 - AMÜSÜH HÜM CL Bible (BSI)

¹⁴ Apinü Edom alala ching bonungrü yam thsü tüsho Edomrü alala David yamlarü kamabah. Tüsho David yüpungbo ching Atungpuhnü akuk ngüshih.

2 SAMUEL 8:14 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

2 SAMUEL 5:10

Tüsho David atobe tüsho atobe kam, tümüde Atungpuh Wuto Thrünpuh api lung lakheah.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

2 SAMUEL 8:6

Judüki Damaska ching lakhi Siriarü bolung Davidnü bonungrü yambo thsü; tüsho Siriarü ju David yamlarü kam tüsho ruk hanbah arü, David yüpungbo ching Atungpuhnü akuk ngüshih.

1 KIULONG THSÜRÜ 11:15

Küyimki David ju Edom ching lakhea tüsho bonungrü limthobuh Joab asherü kiuyuka bahpü wutukhea, apinü Edom ching athrürü alala laksah.

1 KIULONG THSÜRÜ 22:47

Judüki Edom ching kiulongthsürü mülade alakheah; arungbuhnü yakzan shuh.

1 KIULONG THSÜRÜ 22:48

Jehoshaphatnü Ophir ching suna thsungkheak yübe Tarshish sangkungbo thsü; tüshe arü müyü, tümüde sangkungbo Ezion-geber ching thsümünimabah.

2 KIULONG THSÜRÜ 14:7

Apinü Edomrü thimi jindükhün chingnü 10,000 laksah tüsho thirithsü chingnü Sela yankhia lubah ju Joktheel de ji, ju mung khihni khiungde lah.

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

1 KIUTHSÜYUKHEAN 18:13

Apinü Edom ching bonungrü binpung thsü; tüsho Edomrü alala David mihtsürü kam. Tüsho api yüpung alala ching Atungpuhnü David kilim akuk ngüshih.

MUNGSHIKHÜN 60:1

O Thrünpuh, nünü isa bahyukdo, tüsho isa keamshihdo; nü bukakhiukdo; O, isa laloshang.