2 SAMUEL 8:11 - AMÜSÜH HÜM CL Bible (BSI)

¹¹ kiulongthsüpuh Davidnü trükshihbo kheaknü alukhi shotoyinchi tüsho suna alala lungnü harü she bebah apinü Atungpuh kilim müsühkhit,

2 SAMUEL 8:11 Iomraidhean Croise

2 SAMUEL 8:10

Toinü api tsührü Joram kiulongthsüpuh David ki salüm tüsho makshe jihshihpü yüshih tümütüsho apinü Hadadezer bede keochihbah api kuk. Kheakü Hadadezernü Toi kheak ahihdo ki thirithsüde alakheah. Joramnü shotoyinchi, suna tüsho müwayinchi han;

1 KIULONG THSÜRÜ 7:51

Hanangde kiulongthsüpuh Solomonnü Atungpuh yam kheak thsükhi rhimo alala ban. Abuh Davidnü mümükheahkhi kukrukbo shotoyinchi, suna, pangjiphühbo lubah yüzah tüsho jurübo Atungpuh yam rahpung zopung ching zo.

1 KIUTHSÜYUKHEAN 18:11

kiulongthsüpuh Davidnü Edom, Moab, Amonrü, Filistiarü tüsho Amalek trükshihbo kheaknü lude arükhi shotoyinchi tüsho suna she Atungpuh kilim müsühkhit.

1 KIUTHSÜYUKHEAN 29:2

Jumonü inü I Thrünpuh yam thsungkheak jihdo, inü akukkhi thülün, suna kukrukbo thsungkheak suna, shotoyinchi kukrukbo thsungkheak shotoyinchi, tüsho müwayinchi kukrukbo thsungkheak müwayinchi, yinchi kukrukbo thsungkheak yinchi, tüsho sang kukrukbo thsungkheak sang, ju lung shihshihlung ahihdo tüsho akhimbe lungbo, athrathra lung, amujukhi lungbo, shotolungbo mungji alala, tüsho suhdahkhi lungbo.

2 KIUTHSÜYUKHEAN 5:1

Hanangde Solomonnü Atungpuh yam thsungkheak rhimobo ban. Abuh Davidnü müsühkhitkhi kukrukbo Solomonnü hande yüzah tüsho shotoyinchi, suna, tüsho pungphuru alala Atungpuh rahpung-yam ching zo.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.