2 SAMUEL 8:1 - AMÜSÜH HÜM CL Bible (BSI)

¹ Kim anükhüh dunglim, Davidnü Filistiarü yan tüsho arü bukkhüp kamshih; Filistiarü khah chingnü Davidnü Metheg-amma lu.

2 SAMUEL 8:1 Iomraidhean Croise

2 SAMUEL 19:9

Israel trük alala ching mihtsürübonü alanajide tha, “Kiulongthsüpuhnü isa riri khah chingnü isa bekhit, tüsho Filistiarü khah chingnü isa khümkhit; tüsho kheakü Absalom dünkheaknü api lomi chingnü tsodo.

2 SAMUEL 2:24

Tüshe Joab le Abishainü Abner müsham. Ani yüzahchoki arü Gibeon sunglo limro lakhi Amma wung ching arü.

2 SAMUEL 22:44

Nünü I mihtsürübonü ayankhi chingnü I bekhit; nünü I trükshihbo kurungkheak akuthsüpü zojih; inü mümükheahkhi mihtsürübonü I tankih.

2 SAMUEL 5:17

Küyimki David ju Israel kurungkheak kiulongthsürü kamshihdo de Filistiarünü asokhea, Filistiarü alala David yimde wutu; tüshe Davidnü ju sobah chipi ayünkhi ching yüzah.

2 SAMUEL 5:25

Atungpuhnü thiyukhüm jihkhi nangde Davidnü rhimo; tüsho apinü Filistiarü Geba chingnü Gezer khiungde yande müsham.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

MUNGSHIKHÜN 18:43

Nünü mihtsürübonü zündokhi chingnü I bekhit, nünü I trükshih yo aku kamshih; inü mümükheahkhi mihtsürübonü I tankihpü kam.

MUNGSHIKHÜN 60:2

Nünü alo züngshihdo, nünü züngrüpshihdo; athsümünimkhi thsülojang, tümüde ha niukchoh.

MUNGSHIKHÜN 60:8

Moab I müsühmüra-phuru; Edom kheak I jingkhümpü bahchoh; Filistia kurungkheak inü akuk ngüde ahochoh.”

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.

1 SAMUEL 7:13

Jumonü Filistiarü junoabah tüsho Israel lo ching müyüzahlo; Samuel kim amuyung Atungpuh khah Filistiarü azhihde alakheah.