2 SAMUEL 7:3 - AMÜSÜH HÜM CL Bible (BSI)

³ Nathannü kiulongthsüpuh ki tha, “Yüang, nünü alümkhi alala rhimoang; tümüde Atungpuh nü lung lah.”

2 SAMUEL 7:3 Iomraidhean Croise

2 SAMUEL 7:4

Tüshe ju tsüngre Atungpuh yusheak Nathan kilim arü:

1 KIULONG THSÜRÜ 1:8

Tüshe amükeambuh Zadok tüsho Jehoiada tsührü Benaia, tüsho wukihrü Nathan, Shimei, Rei tüsho David bonungrübonü Adonija kilim murung.

2 KIULONG THSÜRÜ 4:27

Küyimki alibenü Thrünpuh mihtsürü shorupü awung ching arükhea, alibenü api jing kheak ramlo. Gehazinü alibe nima tsoshihpü thsü. Tüshe Thrünpuh mihtsürünü tha, “Alibe azangrü zojang, tümüde anihbe lümthsünü akhüh ching lah; Atungpuhnü ju I kheaknü ramlah tüsho I ki mütha.”

1 KIUTHSÜYUKHEAN 22:7

Davidnü Solomon ki tha, “I tsah-a, inü Atungpuh I Thrünpuh mung ching thüyam khülang thsüpü lümkheah.

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

1 KIUTHSÜYUKHEAN 29:29

Kheakü kiulongthsüpuh David rhimobo, atankihnü akheam khiungde angürü Samuel hümbo, wukihbuh Nathan hümbo, tüsho angürü Gad hümbo ching thrüta lah,

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

MUNGSHIKHÜN 20:4

Apinü nü mulongnü akünkhi mülüshang, tüsho nü lümkhi alala akuk ngüshang.

MUNGSHIKHÜN 37:4

Atungpuh lung asühang, tüsho nü mulongnü akünkhi apinü nü kilim jihbah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 14:7

Api thsühnuk hanbuhnü tha, “Nü mulong ching lakhi alala rhimoang. Jumonü yüang; nünü amulongkhi nangde, I ha ching nü lung lah.”

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”