2 SAMUEL 7:27 - AMÜSÜH HÜM CL Bible (BSI)

²⁷ Tümüde, O Wuto Atungpuh , Israel Thrünpuh nünü ha nü yamlarü ki amikheak akhiukde tha, ‘Inü nü khilim thüyam khülang thsüjihbah’; jumonü nü yamlarünü ha nü ki tamkhüntamnüpü mulong ato thsüdo.

2 SAMUEL 7:27 Iomraidhean Croise

2 SAMUEL 7:11

inü I mihtsürübo Israel kurungkheak mahkhaprübo mokhitkhi kim chingnü; tüsho inü nü nüsa riri alala kheaknü sühakhimshihbah. Junangde Atungpuhnü nü kilim thüyam khülang thsüjihbah de khipkhitchoh.

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 40:6

Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

ABEKHIT 1:21

Zübe-mütrürübonü Thrünpuh trekhinü, apinü arü kilim nihbe yamkhünrübo jih.

RUTH 4:4

jumonü inü nü ki hanangde thaanü de lümlah: Ha ching bina larübo tüsho I mihtsürü azothsürübo mikinü thuloang. Nünü hoju rhokhitnesho rhokhitang. Tüsho nünü hoju mürhokhitnesho inü amükheahpü thsüde I ki thaang. Tümütüsho nü hobah hoju rhokhitpü she müla tüsho nü dunglim lang I ah.” Tüsho apinü tha, “Inü ju rhokhitbah.”

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 9:15

Kheakü Saul arüpü müngüh nimung ching, Atungpuhnü Samuel ki thajung: