2 SAMUEL 7:23 - AMÜSÜH HÜM CL Bible (BSI)

²³ Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

2 SAMUEL 7:23 Iomraidhean Croise

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

1 KIUTHSÜYUKHEAN 17:21

Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

MUNGSHIKHÜN 106:22

Ham lo ching amüyinsahbe rhimobo, Amürüm Keto ki atrebebo.

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 145:6

Mihtsürübonü nü wuto atrebe rhimobo dünkheak asukbah, tüsho inü nü tokhi khipkhitbah.

MUNGSHIKHÜN 147:20

Apinü ha püpü trükshih ki mürhimo; tüsho api mahkhapkhibo arünü mümükheah. Atungpuh shiang!

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ABEKHIT 9:15

Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

JEREMIA 32:20

Nünü amütsanbo tüsho khinthiyinbebo Ijip lomi ching tüsho khihni nimung ching Israel tüsho mihtsürü alala ki huhdo, tüsho khihni nimung khiungde nü mung lashihlah.

JEREMIA 32:21

Nünü nü mihtsürü Israel Ijip lomi chingnü amütsanbo tüsho khinthiyinbebo, amüküp khah, tüsho atrebe atonü bekhit;

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,