2 SAMUEL 7:21 - AMÜSÜH HÜM CL Bible (BSI)

²¹ Nünü alokhikhi dünkheaknü, tüsho nünü amulongkhi yande, nü yamlarünü amükheahpü thsüde ha ato alala rhimo.

2 SAMUEL 7:21 Iomraidhean Croise

1 KIUTHSÜYUKHEAN 17:19

O Atungpuh , nü yamlarü dünkheaknü, tüsho nü mulongkhi yande, nünü harü ato rhimobo mükheahshihde rhimodo.

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

MATHI 11:26

Am, Abuh ha nü miki atsü lakheah.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 1:72

isa bebuhrü ki amüthsüm alokhikhi rhimopü, tüsho api amüsüh tangzüng lümkhitpü,

LUKNÜ ATHRÜTKHI THIYUSHEAK-ATSÜ HUHTANYU 10:21

Ju kim ching Jisunü Me ching asüh, tüsho tha, “Yinmi tüsho alomi Tungpuh, Abuh, nünü harü lümlung tüsho mükheahmudurü kheak ram tüsho khungarübo ki akhiuka huhkhi dünkheak inü nü shijihchoh. Am, Abuh, haju nü mük ki atsü lakheah.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

1 KORINT 1:1

Jisu Khrista amüsüh-thsangyurü thsüpü Thrünpuh lümkhinü ajikhi Paul, tüsho isa keoniorü Sosthena kilimnü,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 3:11

ha isa Atungpuh Jisu Khrista hode akuk ngüshihkhi lün yo lümkhi yande,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.