2 SAMUEL 7:16 - AMÜSÜH HÜM CL Bible (BSI)

¹⁶ Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

2 SAMUEL 7:16 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

2 SAMUEL 7:17

Harü yubo tüsho michih alala yande Nathannü David ki tha.

1 KIULONG THSÜRÜ 2:4

Judüki apinü I dünkheak asukkhi Atungpuhnü api yubo zobah: ‘Nü tsühsoniusobonü arü mulong athrünkhinü tüsho arü me athrünkhinü I miki thiyuronü nihbuh limro ching anide tsahsho, Israel kiulongthsü-binkiu kheak nü müthrirü mülade müthsü.’

1 KIULONG THSÜRÜ 9:5

inü nü buh David ki alokhide, Israel kiulongthsü-binkiu kheak nü müthrirü mülakphah de athakhi nangde, inü Israel kurungkheak nü kiulongthsü-binkiu lünnü alashihbah.

2 KIULONG THSÜRÜ 19:34

Tümüde ha kiuto khümkhitpü I tüsho inü I yamlarü David mung chingnü inü akhanglobah.”

2 KIULONG THSÜRÜ 8:19

Tütüshe api yamlarü David dünkheaknü Atungpuhnü Juda müthsümünim, tümütüsho apinü api tüsho tsühsoniuso kilim lünnü tsünpung khülang jihpü alokhi.

2 KIUTHSÜYUKHEAN 6:16

Jumonü, O Atungpuh , Israel Thrünpuh, nü yamlarü I buh David ki alokhikhi zoang, küpü nünü api ki alokhide tha, ‘Nü tsührübonü lang nünü I miki tsahkhi ruk I yakzan ching tsahde arünü kümkangde anisho I miki Israel kiulongthsü-binkiu kheak binpü nü müthri küyimkishe mülade müthsü.’

JOB HU H T ANYU 36:7

Apinü thiyuro kheaknü api mükji muluakhin, tüshe kiulongthsürü lung kiulongthsü-binkiu kheak apinü arü lünnü binshihchoh tüsho arü shuhkih-a lah.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 72:5

Arünü lünbo alala ching ani tüsho khinu lakhi khiungde nü trebah,

MUNGSHIKHÜN 89:4

‘Inü nü müjih lünnü alashihbah, tüsho lünbo alala ching nü kiulongthsü-binkiu lashihbah.’ ”

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 17:25

ha kiuto chipiripit hode David kiulongthsübinkiu kheak binrü kiulongthsürübo, arü torübo, Juda mihtsürü tüsho Jirusalem ching larü khora-lolungbe tüsho khorabo kheak binbah yüzahbah tüsho ha kiuto lünnü alabah.

JEREMIA 33:17

Tümüde Atungpuhnü ha thachoh: David thsungkheak Israel yamkhün kiulongthsü-binkiu kheak binpü mihtsürü müladüa müla,

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.