2 SAMUEL 7:15 - AMÜSÜH HÜM CL Bible (BSI)

¹⁵ Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

2 SAMUEL 7:15 Iomraidhean Croise

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

1 KIULONG THSÜRÜ 11:13

Judüalalashe inü kiulongthsü abümnü muthorüp; inü trük khülang nü tsührü kilim, I yamlarü David tüsho inü amokhitkhi Jirusalem mung chingnü ajihbah.”

MUNGSHIKHÜN 89:28

Inü I mihmüthsüm lünnü api thsungkheak zojihbah, tüsho I tangzüng api kheak düküngde alabah.

MUNGSHIKHÜN 89:31

arünü I yakzan thsükhibo thsümünimsho tüsho I yukhümbo muzosho,

MUNGSHIKHÜN 89:33

Judüalalashe I mihmuzho inü api kheaknü shahde muluakhin, yungsho I thiyuro lakhi mülade müthsüshih.

MUNGSHIKHÜN 89:34

Inü I tangzüng müthsümünim, yungsho I mün chingnü wukhiukkhi yu mümüthri.

MUNGSHIKHÜN 89:49

Atungpuh , nünü David ki thiyuro ching thiyuchihchimkhi, akhuhbe nü mihmuzho küching la?

ISAIA 37:35

Tümüde I tüsho I yamlarü David mung chingnü ha kiuto khümkhitpü inü atsunglobah.”

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 16:14

Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.

1 SAMUEL 19:24

Api she khimmih yihkhita bahbah Samuel miki müchitmudude kam. Api ju nimung tüsho tsüngre amuyung bünkeang yap. Jumonü arünü tha, “Saul she wukihrü bolung bela de?”