2 SAMUEL 7:14 - AMÜSÜH HÜM CL Bible (BSI)

¹⁴ I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

2 SAMUEL 7:14 Iomraidhean Croise

1 KIULONG THSÜRÜ 11:34

Judüalalashe inü kiulongthsü abümnü api kheaknü lubah mutso tüshe inü amokhitkhi I yamlarü David tüsho apinü I yukhümbo le I yakzanbo anikhi mung chingnü api rhangdung lakhi amuyung yakzanshuhrü thsüshihbah;

1 KIULONG THSÜRÜ 9:6

Nü yungsho nü tsührübonü I yankhi chingnü anguhsho, tüsho inü nü miki zojihkhi I yukhümbo le I yakzanbo manide yübah püpü thrünpuhbo tankihde arü kingaünsho,

1 KIUTHSÜYUKHEAN 17:13

I api abuh thsübah, tüsho api I tsührü thsübah tüsho inü nü müngüh labuh kheaknü alukhi nangde I mihmüthsüm api kheaknü mulu,

1 KIUTHSÜYUKHEAN 22:10

Apinü I mung thsungkheaknü thüyam khülang thsübah. Api I tsührü thsübah, tüsho I anihbuh abuh thsübah, tüsho inü api kiulongthsü-binkiu Israel ching lünnü alashihbah.’

1 KIUTHSÜYUKHEAN 28:6

Apinü I ki tha, ‘Nü tsührü Solomonnü I yam tüsho I khikzhakpungbo thsübah, tümüde api I tsührü khülang thsüpü inü mokhit, tüsho I api abuh thsübah.

JOB HU H T ANYU 5:17

Thrünpuhnü thsülangjihrü küdükhüh asühpü; jumonü Wuto yakli mükhemükim düthsü.

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

1 KORINT 11:32

Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

YUZÜNGTHALO 8:5

Jumonü nüsa mulong ching mükheahang, mihtsürü khülangnü atsührü danyukkhi nangde, Atungpuh nüsa Thrünpuhnü nüsa danyukchoh.

IBRI 1:5

Tümüde Thrünpuhnü yunirü she ki she ha ruk mütha, “Nü I tsührü ah, khihni I nü Buh kamdo.” Yungsho kheaküshe, “I api Abuh thsübah, tüsho api I tsührü thsübah.”

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.