2 SAMUEL 7:13 - AMÜSÜH HÜM CL Bible (BSI)

¹³ Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

2 SAMUEL 7:13 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

2 SAMUEL 7:27

Tümüde, O Wuto Atungpuh , Israel Thrünpuh nünü ha nü yamlarü ki amikheak akhiukde tha, ‘Inü nü khilim thüyam khülang thsüjihbah’; jumonü nü yamlarünü ha nü ki tamkhüntamnüpü mulong ato thsüdo.

1 KIULONG THSÜRÜ 2:24

Kheakü jumonü shepünü I buh David kiulongthsü-binkiu kheak binshih, tüsho shepünü alokhide I kilim kiulongthsü yamkhün khülang kamshihkhea, Atungpuh lale, khihni Adonija asheshihbah.”

1 KIULONG THSÜRÜ 2:4

Judüki apinü I dünkheak asukkhi Atungpuhnü api yubo zobah: ‘Nü tsühsoniusobonü arü mulong athrünkhinü tüsho arü me athrünkhinü I miki thiyuronü nihbuh limro ching anide tsahsho, Israel kiulongthsü-binkiu kheak nü müthrirü mülade müthsü.’

1 KIULONG THSÜRÜ 2:45

Tüshe kiulongthsüpuh Solomon a müngühmühibah, tüsho David kiulongthsü-binkiu a A TUN GPU H miki lünnü alabah.”

1 KIULONG THSÜRÜ 5:5

Jumonü Atungpuhnü I buh David ki ha ruk thakhi nangde Atungpuh I Thrünpuh mung thsungkheaknü inü thüyam khülang thsüpü lümlah, ‘Nü tsührü, shepü nü müthri nü kiulongthsü-binkiu kheak inü abinshihbanü, apinü I mung thsungkheaknü thüyam khülang thsübah.’

1 KIULONG THSÜRÜ 6:12

“Nünü thsüde alakhi ha thüyam dünkheaknü, mürangkhüh nünü I yakzanbo ching tsahsho, I yuzüngbo anisho, tüsho jurü ching tsahde I yukhümbo alala zosho, inü nü buh David kheak alokhikhi nü thsungkheak rhimobah.

1 KIULONG THSÜRÜ 8:13

Inü nü kilim nü lünnü alapü atsüdak yam khülang thsüdo.”

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIULONG THSÜRÜ 8:19

judüalalashe nünü thüyam müthsü, tüshe nü kilim zübejihpü lakhi nü tsührünü I mung thsungkheak thüyam thsübah.’

2 KIULONG THSÜRÜ 21:4

Apinü Atungpuh yam ching kingaün sadambo thsü, küpü Atungpuhnü tha, “Jirusalem ching inü I mung zobah.”

2 KIULONG THSÜRÜ 21:7

Apinü athsükhi Ashera sangthsü anihbuhnü lu tüsho arüngyam ching yuk, küpü Atungpuhnü David tüsho atsührü Solomon ki tha, “Ha yam, tüsho Jirusalem ching, küpü Israel trük alala chingnü inü mokhitkhea, inü lünnü I mung zobah;

2 KIULONG THSÜRÜ 8:19

Tütüshe api yamlarü David dünkheaknü Atungpuhnü Juda müthsümünim, tümütüsho apinü api tüsho tsühsoniuso kilim lünnü tsünpung khülang jihpü alokhi.

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

2 KIUTHSÜYUKHEAN 33:4

Apinü Atungpuh yam ching kingaün sadambo thsü, küpü dünkheak Atungpuhnü tha, “Jirusalem ching I mung lünnü alabah.”

2 KIUTHSÜYUKHEAN 6:16

Jumonü, O Atungpuh , Israel Thrünpuh, nü yamlarü I buh David ki alokhikhi zoang, küpü nünü api ki alokhide tha, ‘Nü tsührübonü lang nünü I miki tsahkhi ruk I yakzan ching tsahde arünü kümkangde anisho I miki Israel kiulongthsü-binkiu kheak binpü nü müthri küyimkishe mülade müthsü.’

JOB HU H T ANYU 36:7

Apinü thiyuro kheaknü api mükji muluakhin, tüshe kiulongthsürü lung kiulongthsü-binkiu kheak apinü arü lünnü binshihchoh tüsho arü shuhkih-a lah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 89:21

I khah hode api labah; I binnü api düküngshihbah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

MUNGSHIKHÜN 89:4

‘Inü nü müjih lünnü alashihbah, tüsho lünbo alala ching nü kiulongthsü-binkiu lashihbah.’ ”

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 33:17

Tümüde Atungpuhnü ha thachoh: David thsungkheak Israel yamkhün kiulongthsü-binkiu kheak binpü mihtsürü müladüa müla,

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

ZEKARIA 6:13

Atungpuh arüngyam thsüpü ju api labah; apinü kiulongthsü wüntrekhi hanbah; tüsho binbahle api kiulongthsübinkiu kheak yakzan shuhbah. Api kiulongthsü-binkiu ki ane dükeak mungtsü anikhitkhi amükeamrü khülang labah.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

IBRI 3:3

Tütüshe thüyam kheaknü athsürü alü wüntre lakhi nangde, Mosa kheaknü Jisu alü müretah athülün khejih.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.