2 SAMUEL 7:12 - AMÜSÜH HÜM CL Bible (BSI)

¹² Küyimki nü nimungbo khiungba tüsho nü nüsa jipürü lung yübanü, inü nü pang chingnü tsührü nü dunglim asürüshihbah, tüsho inü api kiulongthsü thsakhamjihbah.

2 SAMUEL 7:12 Iomraidhean Croise

THRÜNTAN 15:4

Judüki Atungpuh yu api kilim arü: “Ha mihtsürü nü yamrüplurüp lurü müthsü, tüshe nü pang chingnü arükhi tsührü khülang nü yamrüplurüp lurü thsübah.”

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

1 KIULONG THSÜRÜ 1:21

Judüalalashe I tungpuh kiulongthsüpuh nihbuh jipürü lung sheabahshu I tsührü Solomon tüsho I ju mahmünitrü khejihbah.”

1 KIULONG THSÜRÜ 1:48

tüsho ha ruk tamkhüntamnü, ‘ Khihni I kiulongthsü-binkiu kheak binpü thsüde I tsührü bolung khülang jihkhi tüsho ju ngüpü I ki mülüjihbuh Israel Thrünpuh Atungpuh shiang.’”

1 KIULONG THSÜRÜ 2:1

Küyimki David ashepü nimung khiungde arükhea, apinü atsührü Solomon ki thsangdan tüsho tha:

1 KIULONG THSÜRÜ 2:10

Judüki David ju nihbuh jipürü lung shede yü, tüsho David kiuto ching kiuyukabah.

1 KIULONG THSÜRÜ 2:4

Judüki apinü I dünkheak asukkhi Atungpuhnü api yubo zobah: ‘Nü tsühsoniusobonü arü mulong athrünkhinü tüsho arü me athrünkhinü I miki thiyuronü nihbuh limro ching anide tsahsho, Israel kiulongthsü-binkiu kheak nü müthrirü mülade müthsü.’

1 KIULONG THSÜRÜ 5:5

Jumonü Atungpuhnü I buh David ki ha ruk thakhi nangde Atungpuh I Thrünpuh mung thsungkheaknü inü thüyam khülang thsüpü lümlah, ‘Nü tsührü, shepü nü müthri nü kiulongthsü-binkiu kheak inü abinshihbanü, apinü I mung thsungkheaknü thüyam khülang thsübah.’

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIULONG THSÜRÜ 8:19

judüalalashe nünü thüyam müthsü, tüshe nü kilim zübejihpü lakhi nü tsührünü I mung thsungkheak thüyam thsübah.’

1 KIULONG THSÜRÜ 8:20

Kheakü Atungpuhnü alokhikhi rhimodo; tümüde I buh David lapung ching I asürü; Atungpuhnü alokhikhi nangde Israel kiulongthsü-binkiu kheak I bin, tüsho Israel Thrünpuh, Atungpuh mung thsungkheak thüyam thsü.

1 KIULONG THSÜRÜ 9:5

inü nü buh David ki alokhide, Israel kiulongthsü-binkiu kheak nü müthrirü mülakphah de athakhi nangde, inü Israel kurungkheak nü kiulongthsü-binkiu lünnü alashihbah.

2 KIULONG THSÜRÜ 8:19

Tütüshe api yamlarü David dünkheaknü Atungpuhnü Juda müthsümünim, tümütüsho apinü api tüsho tsühsoniuso kilim lünnü tsünpung khülang jihpü alokhi.

1 KIUTHSÜYUKHEAN 17:11

Küyimki jipürü lung yüpü nü nimungbo khiungbanü, inü nü dunglim nü tsührü khülang asürüshihbah. Tüsho inü api kiulongthsü tankihjihbah.

2 KIUTHSÜYUKHEAN 1:9

O Atungpuh , Thrünpuh, nünü I buh David ki alokhikhibo kheakü dünjishang, tümüde alo asungthulung nangde ahihkhi mihtsürübo kurungkheak nünü I kiulongthsürü kamshihdo.

2 KIUTHSÜYUKHEAN 13:5

Atungpuh Israel Thrünpuhnü David tüsho api tsührübo kilim lünnü Israel kurungkheak kiulongthsüshihpü müthsümünimbe tangzüng khülang hode ajihkhi nüsanü mümükheah de?

2 KIUTHSÜYUKHEAN 21:7

Tümütüsho apinü David kheak tangzüngkhinü Atungpuhnü David yamkhün müdükheakshih, tümütüsho apinü api le api tsühsoniusobo kilim lünnü tsünpung khülang jihpü alokhi.

2 KIUTHSÜYUKHEAN 23:3

Judüki amukhungrü alalanü Atungpuh yam ching kiulongthsüpuh ki tangzüng khülang thsü. Jehoiadanü arü ki tha, “ Kiulongthsüpuh tsührü ha kheak lah! David tsührübo dünkheak Atungpuhnü alokhikhi nangde apinü kiulongthsüshang.

2 KIUTHSÜYUKHEAN 6:15

nü yamlarü I buh David kheak nünü alokhikhi zo. Atsütsünü, nünü nü münnü alokhi tüsho khihni nü khahnü dünjishihdo.

2 KIUTHSÜYUKHEAN 6:9

judüalalashe nünü thüyam müthsü, tüshe nü kilim zübejihpü lakhi nü tsührünü I mung thsungkheak thüyam thsübah.’

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 33:17

Tümüde Atungpuhnü ha thachoh: David thsungkheak Israel yamkhün kiulongthsü-binkiu kheak binpü mihtsürü müladüa müla,

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

MATHI 1:1

Abraham tsührü, David tsührü Jisu Khrista jipürübo yukhean:

LUKNÜ ATHRÜTKHI THIYUSHEAK-ATSÜ HUHTANYU 1:32

Api ato labah tüsho Khide Achang tsührü de ajibah; tüsho Atungpuh Thrünpuhnü api kilim apü David kiulongthsübinkiu jihbah.

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 2:30

Jumonü wukihrü thsümonü, tüsho api kiulongthsü-binkiu kheak anihbuh tsühsoniuso bolungnü khülang binshihpü Thrünpuhnü api ki thiyuchihchimkhi mükheahde,

1 KORINT 15:51

Kheahang! Inü nüsa ki aramyu thachoh. Isa alala müshe, tüshe isa alala amüthribah,

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

1 TESALONIKA 4:14

Tümütüsho Jisu shebah arhang kamlokheah de isanü kinlah, junangde Jisu hode Thrünpuhnü api lung asherübo bede arübah.