2 SAMUEL 7:11 - AMÜSÜH HÜM CL Bible (BSI)

¹¹ inü I mihtsürübo Israel kurungkheak mahkhaprübo mokhitkhi kim chingnü; tüsho inü nü nüsa riri alala kheaknü sühakhimshihbah. Junangde Atungpuhnü nü kilim thüyam khülang thsüjihbah de khipkhitchoh.

2 SAMUEL 7:11 Iomraidhean Croise

2 SAMUEL 7:1

Kheakü küyimki kiulongthsüpuh ayam ching laabahkhea, tüsho Atungpuhnü api mühi thiriribo alala kheaknü sühakhim jihkhea,

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

2 SAMUEL 7:27

Tümüde, O Wuto Atungpuh , Israel Thrünpuh nünü ha nü yamlarü ki amikheak akhiukde tha, ‘Inü nü khilim thüyam khülang thsüjihbah’; jumonü nü yamlarünü ha nü ki tamkhüntamnüpü mulong ato thsüdo.

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

1 KIULONG THSÜRÜ 2:24

Kheakü jumonü shepünü I buh David kiulongthsü-binkiu kheak binshih, tüsho shepünü alokhide I kilim kiulongthsü yamkhün khülang kamshihkhea, Atungpuh lale, khihni Adonija asheshihbah.”

1 KIUTHSÜYUKHEAN 17:10

I mihtsürü Israel kurungkheak inü mahkhaprübo mokhitkhi kim chingnü; tüsho inü nü riribo alala juyuka bahbah. Kheaküshe Atungpuhnü nü khilim thüyam khülang thsüjihbah de inü khipkhitchoh.

1 KIUTHSÜYUKHEAN 22:10

Apinü I mung thsungkheaknü thüyam khülang thsübah. Api I tsührü thsübah, tüsho I anihbuh abuh thsübah, tüsho inü api kiulongthsü-binkiu Israel ching lünnü alashihbah.’

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 106:42

Arü riribonü arü juno, tüsho arü khah ching laabahshih.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

ABEKHIT 1:21

Zübe-mütrürübonü Thrünpuh trekhinü, apinü arü kilim nihbe yamkhünrübo jih.

MÜCHITMUDU 14:1

Lümlung lakhi liberü abannü nihbe yam thsüchoh, tüshe makharünü anihbe khahnü ju thokheamchoh.

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.