2 SAMUEL 7:10 - AMÜSÜH HÜM CL Bible (BSI)

¹⁰ Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

2 SAMUEL 7:10 Iomraidhean Croise

2 KIULONG THSÜRÜ 21:8

arünü lang inü thiyukhüm jihkhi tüsho I yamlarü Mosanü thiyukhüm jihkhi yakzan alala yande kümkangde rhimosho inü arü jipürü kilim jihkhi lomi chingnü kheaküa Israel mütsahkhitshih.”

1 KIUTHSÜYUKHEAN 17:9

Tüsho inü I mihtsürü Israel thsungkheak dangpung khülang mokhitbah, tüsho arü lashihbah, junangde arünü arü nihbuh lapung ching labah, tüsho kheakü phü mümüsüp; tüsho akhuhlim rhimokhi nangde amütsü rhimorübonü kheaküa arü müjuno,

2 KIUTHSÜYUKHEAN 33:8

nüsanü lang inü nüsa kilim thiyukhüm, yakzan, yakzan thsükhi, tüsho thiyuzüngbo Mosa hode ajihkhi kümkangde rhimosho, inü nüsa jipürü thsungkheak jihkhi lo chingnü küyimkishe Israel jing matrütloshih.”

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 44:4

Nü I kiulongthsüpuh tüsho I Thrünpuh; nünü nü mihtsürübo kilim akuk ngüshih,

MUNGSHIKHÜN 80:8

Nünü Ijip chingnü kurungasoliu khülang lubah arü; nünü trükshihbo yankhit tüsho ju khim.

MUNGSHIKHÜN 80:9

Nünü ju thsungkheak alo wochakkhit, tüsho aying sükde chinyukshih, tüsho alomi mide kam.

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

ABEKHIT 15:17

Nünü arü bede yüzahbah nü wung kheak khimbah, O Atungpuh , nünü nü lapung thsükhi dangpung, O Atungpuh , nü khahnü athsükhi arüngakopung.

ISAIA 5:2

Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

JEREMIA 18:9

Tüsho püpü kim ching trükshih khülang yungsho kiulongthsü khülang dünkheak athsüpü tüsho akhimpü inü athapü lah,

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

EZEKIEL 28:24

Israel yamkhünnü kheaküa amükeakbe khingphu yungsho achinkhitbe ayang arü bahyukde arhimorü arü yamhingrü bolung müngü. Tüsho I Atungpuh de arünü mükheahbah.

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

AMOS 9:15

Inü I mihtsürübo lomi kheak khimbah, tüsho inü arü kilim jihkhi lo chingnü küyimkishe arübo mürukkhitlo, Atungpuh nüsa Thrünpuhnü thachoh.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.

1 SAMUEL 13:17

Tüsho Filistiarü binkheampung chingnü thiriri boto mahsam thsübah akhiuk; boto khülang Shual limpeang, Ophra thrip anguh,