2 SAMUEL 6:20 - AMÜSÜH HÜM CL Bible (BSI)

²⁰ Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

2 SAMUEL 6:20 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

2 SAMUEL 6:14

Davidnü achim kheak amükeamrü khimnü rümbah A TUN GPU H miki asühmüh alalanü tsün.

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

2 SAMUEL 6:18

Küyimki Davidnü taka kingaün tüsho mungtsü kingaün jihkhamkhea, apinü Wuto Atungpuh mung chingnü mihtsürübo müngühjih,

2 SAMUEL 6:19

tüsho arü alala kilim tsühyungbe chama jih. Apinü Israel ching lakhi athrürü tüsho aliberü abande yikhap, amüthreangkhi shih, tüsho kurungaso mukuhkhi khürü jih. Jushu mihtsürü alala nihbuh yam ching alode yü.

1 KIUTHSÜYUKHEAN 16:43

Judüki mihtsürü alala arü yam lim chamachihde yü, tüsho Davidnü nihbuh yamkhün müngühjihpü yü.

JOB HU H T ANYU 30:8

Makharü, mungshi mülakhi tsührübo lomi chingnü rhapkhita tsoshihdo.

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 30:1

O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

T H S AN GYU T H S AN GR ARÜ 7:17

Hodakde mihbukmuyuk dükam, yungsho makhade dükam; tümüde nü kim mukhiungyide nü ashepü?

MARK 14:66

Kheakü Peter ju khikzhakpung abolim binde alachoki, achangbe amükeambuh yamlaberü khülang arü.

MARK 3:21

Tüshe küyimki api betsührübonü ha dünkheak sokhea, arünü api tholopü wukhiuk, tümüde arünü tha, “Api yingyinga lah.”

JOHAN 13:6

Jushu apinü Simon Peter kilim arü. Tüsho Peternü api ki tha, “Atungpuh, nünü I jing müsühjihba de?”

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

MAHKHAPRÜ 9:4

Arünü api kilim Baal-berith arüngyam chingnü shotoyinchi 70 jih, junü Abimeleknü api jingyanrü thsüshihpü mudukmükerübo muloa lu.

1 SAMUEL 14:49

Kheakü Saul tsührübo ju Jonathan, Ishvi, tüsho Malkishua; tüsho atsührü aliberü mahne mung: adüjibe mung Merab, tüsho akheambe mung Mikal.

1 SAMUEL 18:20

Kheakü Saul tsührü Mikalnü David muzho. Saulnü ju sobah asühde lüm.