2 SAMUEL 6:16 - AMÜSÜH HÜM CL Bible (BSI)

¹⁶ Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

2 SAMUEL 6:16 Iomraidhean Croise

2 SAMUEL 3:14

Judüki Davidnü yunithsürübo Saul tsührü Ishboshet kilim yüshihde tha, “Inü adün Filistiarü yo küp chi khülang jihbah thiyu zokhi I niube Mikal arüshang.”

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

2 SAMUEL 6:15

Jumonü David tüsho Israel yamkhün alalanü zhide tüsho hulipungpung khungde Atungpuh sangdan lubah atu.

2 SAMUEL 6:20

Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

1 KIUTHSÜYUKHEAN 15:29

Atungpuh tangzüng sangdan David kiuto ching azahchoki, Saul tsührübe Mikalnü ayinripit chingnü abinkhita kheah, tüsho David kiulongthsüpuh jukde tüsho tsünde ngü; tüsho alibenü anihbe mulong chingnü api mükhemürang.

MUNGSHIKHÜN 123:3

Isa kheak amüthsüm laang, O Atungpuh , isa kheak amüthsüm laang! Tümüde abahyukkhinü hodakde isa mido.

MUNGSHIKHÜN 69:7

Tümüde nü dünkheaknü inü mükhemükim hando, ju achihnü I miro lüpdolah.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

YUNIRÜBO RHIMO 2:13

Püpürünü keangrümünede tha, “Arübo yukhunü müshanga lah.”

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

1 SAMUEL 18:17

Judüki Saulnü David ki tha, “ Ha ching I tsührü adüjibe Merab lah; inü api nü kilim yamkhünbe thsüpü jihbah; I thsungkheaknü mulong ato thsang tüsho Atungpuh thirithsü ching keochihang.” Tümüde Saulnü lüm, “Inü api azhihde khah muchung; Filistiarünü ju rhimoshang.”

1 SAMUEL 18:20

Kheakü Saul tsührü Mikalnü David muzho. Saulnü ju sobah asühde lüm.