2 SAMUEL 6:14 - AMÜSÜH HÜM CL Bible (BSI)

¹⁴ Davidnü achim kheak amükeamrü khimnü rümbah A TUN GPU H miki asühmüh alalanü tsün.

2 SAMUEL 6:14 Iomraidhean Croise

2 SAMUEL 6:15

Jumonü David tüsho Israel yamkhün alalanü zhide tüsho hulipungpung khungde Atungpuh sangdan lubah atu.

2 SAMUEL 6:20

Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

1 KIUTHSÜYUKHEAN 15:27

David a shulünkhim athünak atsüdakbe phuyu, sangdan shuhpü Levirü alala, tüsho khün thsürü, khün thobuh Kenania arü she ju ruk yih, tüsho David a khimthünak phuyu;

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 150:4

Züpzüppü bede tüsho tsünde api shiang; aliu kihkhi kingzükingdobe tüsho khungpibo bede api shiang!

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

MUNGSHIKHÜN 87:7

Khün thsürü tüsho kingzükingdorü chidonü thachoh, “I ke-bukpung alala nü kheak lah.”

ABEKHIT 15:20

Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

LUKNÜ ATHRÜTKHI THIYUSHEAK-ATSÜ HUHTANYU 15:25

“Kheakü akhiung ju thulu ching lakheah. Tüsho api alungbah thüyam phünide alachoki, khün tüsho atsünkhi düsheak so.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

KOLOSI 3:23

Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang,

MAHKHAPRÜ 11:34

Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

MAHKHAPRÜ 21:21

tüsho kheahang; tüsho küyimki Shilo liberübo atsünpü akhiukbanü, kurungasolubo chingnü akhiukang tüsho athrürü abannü Shilo liberü bolungnü niuberü thsüpü ramang; jushu Benjamin lo ching yüang.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.

1 SAMUEL 22:18

Judüki kiulongthsüpuhnü Doeg ki tha, “Nü, Doeg, rholoang tüsho amükeamrübo laksahang.” Edomrü Doegnü rholobah amükeamrübo laksah; ju nimung apinü amükeamrü khim phuyurü 85 laksah.