2 SAMUEL 6:12 - AMÜSÜH HÜM CL Bible (BSI)

¹² Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

2 SAMUEL 6:12 Iomraidhean Croise

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

1 KIULONG THSÜRÜ 8:1

Judüki Solomonnü Israel azothsürübo tüsho trükbo ching akubo alala, Israelrü jipürü yamkhünbo, Zion de ajikhi David kiuto chingnü Atungpuh tangzüng sangdan lubah atupü kiulongthsüpuh Solomon miki Jirusalem ching mukhung.

1 KIULONG THSÜRÜ 8:3

Israel azothsürübo alala arü, tüsho amükeamrübonü sangdan ju han.

1 KIULONG THSÜRÜ 8:4

Jumonü arünü Atungpuh sangdan, ashorupung khimyam tüsho amüsüh kukruk alala lubah atu; amükeamrübo tüsho Levirübonü jurübo hanbah atu.

1 KIUTHSÜYUKHEAN 15:15

Tüsho Mosanü thiyukhüm jihkhi Atungpuh yu yande Levirünü Thrünpuh sangdan ju sangkhrihbo yukbah arü dubuh kheaknü shuh.

1 KIUTHSÜYUKHEAN 15:25

Jumonü David le Israel azothsürübo tüsho chithürübo wühkenorübonü Obed-edom yam chingnü Atungpuh tangzüng sangdan shuh-a lupü asühachihde wutu.

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 26:4

Obed-edom tsührübo: adüjibuh Shemaia, mahnepü Jehozabad, asampü Joa, aphüyipü Sakar, aphüngüpü Nethanel,

1 KIUTHSÜYUKHEAN 26:5

athurukpü Ammiel, athünepü Issakar, atizheahpü Peullethai; tümüde Thrünpuhnü api müngühjih.

2 KIUTHSÜYUKHEAN 5:2

Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

MATHI 10:42

Tüsho sherünü harü anini bolung khülang kilim I jingyanrü thsümonü kerüng pungkhüh lang she aduhbanü, inü nüsa ki thiyuro thachoh, tsükjide api thsambah müdükheak.”