2 SAMUEL 5:9 - AMÜSÜH HÜM CL Bible (BSI)

⁹ Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 SAMUEL 5:9 Iomraidhean Croise

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

2 SAMUEL 5:8

Davidnü ju nimung tha, “Sherünü Jebusrü laksahbanü, Davidnü amükheahnekhi müktukrü tüsho jingkikrü laksahpü keru yande yüang.” Jumonü ha ruk tha, “Müktukrü tüsho jingkikrünü Atungpuh yam ching müyüzah.”

2 SAMUEL 6:10

Jumonü David kiuto ching apinü Atungpuh sangdan kümpü mümulong; ju müthri Davidnü Gathrü Obed-edom yam ching lubah yü.

1 KIULONG THSÜRÜ 11:27

Apinü kiulongthsüpuh azhihkhi amütsan ju ha lakheah: Solomonnü Jirusalem aniakhiuklim alo kiua dangkih tüsho abuh David kiuto chipi khünbitbo yihdo.

1 KIULONG THSÜRÜ 2:10

Judüki David ju nihbuh jipürü lung shede yü, tüsho David kiuto ching kiuyukabah.

1 KIULONG THSÜRÜ 9:15

Tüsho kiulongthsüpuhnü thsungkih-a rhimoshihpü thrütde mokhitkhi amütsan ju ha: Atungpuh yam thsüpü, api yam, alo mujung duhlopü, Jirusalem rhü, Hazor, Megiddo, tüsho Gezer.

1 KIULONG THSÜRÜ 9:24

Tüshe Pharao tsührünü David kiuto chingnü Solomonnü anihbe yam thsüjihkhi ching wutu; jushu Solomonnü kiuto tsülim peang alo ju kiua dangjih.

2 KIULONG THSÜRÜ 12:20

Api yamlarübo asürübah rük yim, tüsho Silla lim yüki limro ching Millo yam chingnü Joash laksah.

2 KIULONG THSÜRÜ 12:21

Shimeath tsührü Jozakar tüsho Shomer tsührü Jehozabad, api yamlarübonü api kinga lungshih, junangde api sheabah. Api nihbuh jipürü lung David kiuto ching kiuyukabah; jushu api tsührü Amazianü api müthri.

1 KIUTHSÜYUKHEAN 11:8

Apinü Millo chingnü alala mühide kiuto thsü; tüsho Joabnü aningkhi kiuto thsülo.

2 KIUTHSÜYUKHEAN 32:5

Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

NEHEMIA 3:15

Kolhoze tsührü Shallum, Mizpa lokhüm chamkhüh yakzanshuhbuhnü Kenü Chipiripit thsülo. Apinü chipiripit limro thüning lim she muhiudo tüsho ripitbo awopung wode akhrihbe yukkham. Kiulongthsüpuh wündo ki Shela kedükim chipi she David kiuto chingnü limro dukkhi chinde yüzahkhi khiungde thsülo.

MUNGSHIKHÜN 122:3

Jirusalem ju akheahakhamde tüsho tsüde rukhüh lalokhi kiuto khülang ah.

ISAIA 29:1

Ah, Ariel, Ariel, David binkheampung kiuto! Kamnü kam yukajakang; thüniobonü mükamshang.

MAHKHAPRÜ 9:20

tüshe jude yungsho, Abimelek kheaknü mo akhiukshang tüsho Shekem le Bethmillo mihtsürübo aniuabahshang; tüsho Shekem le Beth-millo mihtsürü kheaknü mo akhiukshang tüsho Abimelek aniuabahshang.”

MAHKHAPRÜ 9:6

Shekem mihtsürübo tüsho Beth-millo alala mukhungde arü, tüsho arünü Shekem ching thülamdung kinü Abimelek ju kiulongthsüpuh kamshih.