2 SAMUEL 5:7 - AMÜSÜH HÜM CL Bible (BSI)

⁷ Judüalalashe Davidnü chipi ayünkhi Zion yankhia lu, tüsho kheakü David kiuto de lah.

2 SAMUEL 5:7 Iomraidhean Croise

2 SAMUEL 5:8

Davidnü ju nimung tha, “Sherünü Jebusrü laksahbanü, Davidnü amükheahnekhi müktukrü tüsho jingkikrü laksahpü keru yande yüang.” Jumonü ha ruk tha, “Müktukrü tüsho jingkikrünü Atungpuh yam ching müyüzah.”

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 SAMUEL 6:10

Jumonü David kiuto ching apinü Atungpuh sangdan kümpü mümulong; ju müthri Davidnü Gathrü Obed-edom yam ching lubah yü.

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

1 KIULONG THSÜRÜ 2:10

Judüki David ju nihbuh jipürü lung shede yü, tüsho David kiuto ching kiuyukabah.

1 KIULONG THSÜRÜ 3:1

Solomonnü Ijip kiulongthsüpuh Pharao kheak yihluachihde chingkihachih; apinü Pharao tsührü lu tüsho anihbuhnü ayam le A TUN GPU H yam tüsho Jirusalem mükamde chipi müthsükhiyi khiungde alibe ju David kiuto ching bebah arü.

1 KIULONG THSÜRÜ 8:1

Judüki Solomonnü Israel azothsürübo tüsho trükbo ching akubo alala, Israelrü jipürü yamkhünbo, Zion de ajikhi David kiuto chingnü Atungpuh tangzüng sangdan lubah atupü kiulongthsüpuh Solomon miki Jirusalem ching mukhung.

1 KIULONG THSÜRÜ 9:24

Tüshe Pharao tsührünü David kiuto chingnü Solomonnü anihbe yam thsüjihkhi ching wutu; jushu Solomonnü kiuto tsülim peang alo ju kiua dangjih.

1 KIUTHSÜYUKHEAN 11:7

Davidnü chipi ayünkhi ching la; jumonü ju David kiuto de ajikheah.

2 KIUTHSÜYUKHEAN 24:16

Tüsho arünü api David kiuto ching kiulongthsürü bolung kiuyukabah, tümütüsho apinü Israel ching, tüsho Thrünpuh le api yam thsungkheak tsüde rhimo.

2 KIUTHSÜYUKHEAN 5:2

Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

NEHEMIA 3:15

Kolhoze tsührü Shallum, Mizpa lokhüm chamkhüh yakzanshuhbuhnü Kenü Chipiripit thsülo. Apinü chipiripit limro thüning lim she muhiudo tüsho ripitbo awopung wode akhrihbe yukkham. Kiulongthsüpuh wündo ki Shela kedükim chipi she David kiuto chingnü limro dukkhi chinde yüzahkhi khiungde thsülo.

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 48:12

Zion mükamde tsahang, anihbe aheangsadambo kheakheahang,

MUNGSHIKHÜN 48:3

Kiuto chipibo khüp kurampung lah de Thrünpuhnü huhchoh.

MUNGSHIKHÜN 51:18

O Thrünpuh, Zion muzhoang tüsho rungang; Jirusalem chipibo thsülojang.

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 59:20

Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 14:1

Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.