2 SAMUEL 5:3 - AMÜSÜH HÜM CL Bible (BSI)

³ Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

2 SAMUEL 5:3 Iomraidhean Croise

2 SAMUEL 2:4

Judüki Juda mihtsürübo arü tüsho arünü Juda kurungkheak kiulongthsürü thsüshihpü David mujude-mokhit. Tüsho arünü David ki tha, “Jabesh-gilead mihtsürünü Saul kiuyuka bahkheah.”

2 SAMUEL 2:7

Jumonü nüsa khahbo müküpshang, tüsho thrungshang; tümüde nüsa tungpuh Saul shea lah, tüsho Judanü arü kurungkheak kiulongthsürü thsüshihpü I mujude-mokhitdo.”

2 SAMUEL 3:21

Abnernü David ki tha, “I yüanü tüsho Israel alala I tungpuh kiulongthsüpuh ki bemukhunganü, ju hode arünü nü kheak tangzüng khülang thsübah, tüsho nü mulongnü akünkhi nangde nünü alala kurungkheak kiulongthsübah.” Jumonü Davidnü Abner yüshih, tüsho api mungtsü chingnü yüabah.

1 KIULONG THSÜRÜ 1:34

Ju ching amükeambuh Zadok tüsho wukihbuh Nathan anenü api Israel kurungkheak kiulongthsürü thsüpü mujude-mokhitshang; jushu hulipungpung khungang, tüsho thaang, ‘ Kiulongthsüpuh Solomon kutsüpde laang!’

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

1 KIUTHSÜYUKHEAN 11:1

Judüki Israel alala Hebron ching David ki mukhung tüsho tha, “ Kheahang, isa nü ro tüsho nü shih.

1 KIUTHSÜYUKHEAN 11:3

Jumonü Israel azothsürübo alala Hebron ching kiulongthsüpuh ki arü, tüsho Davidnü Hebron ching Atungpuh miki arü kheak tangzüng khülang thsü. Tüsho Atungpuh yu yande arünü Israel kurungkheak kiulongthsürü thsüpü Samuel hode David mujude-mokhit.

1 KIUTHSÜYUKHEAN 28:4

Tütüshe Israel kurungkheak lünnü kiulongthsürü thsüpü Atungpuh Israel Thrünpuhnü isa jipürü yamkhün alala chingnü I mokhit; tümüde apinü Juda limberü mokhit, tüsho I buh Juda yamkhün ching, I buh tsührü bolung ching apinü I Israel alala kurungkheak kiulongthsürü thsüshihpü kün.

2 KIUTHSÜYUKHEAN 23:16

Jehoiadanü api le mihtsürü alala tüsho kiulongthsüpuh dükeak arübo Atungpuh mihtsürü thsüpü tangzüng khülang thsü.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

JIHUSUA 10:36

Jushu, Jihusua tüsho Israelrü alala Eglon chingnü Hebron ching wutubah keochih,

MAHKHAPRÜ 11:11

Judüki Jephthanü Gilead limberübo lung yü, tüsho mihtsürübonü api arü kurungkheak aku tüsho limthorü thsüshih; tüsho Jephthanü api yu alala Mizpa ching Atungpuh miki asuk.

1 SAMUEL 11:15

Jumonü mihtsürü alala Gilgal ching yü tüsho Gilgal ching arünü Atungpuh miki Saul ju kiulongthsüpuh kamshih. Ju ching arünü Atungpuh kilim mungtsü kingaünkhi laksah-a kingaün, tüsho ju ching Saul le Israelrü alala tode asühachih.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 23:18

Judüki anenü Atungpuh miki tangzüng; David a Horesh ching la, tüsho Jonathan thüyam lim wulung.