2 SAMUEL 5:19 - AMÜSÜH HÜM CL Bible (BSI)

¹⁹ Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

2 SAMUEL 5:19 Iomraidhean Croise

2 SAMUEL 2:1

Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

2 SAMUEL 5:23

Küyimki Davidnü Atungpuh ki keokheanü, apinü tha, “Nü duwutu; arü dunglim mükamde yüang, tüsho balsam sang kinü arü tholoang.

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

JAKOB 4:15

Ju müthri nüsanü athabeah, “Atungpuhnü mulongsho, isa alabah tüsho ha yungsho ju rhimobah.”

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

1 SAMUEL 22:15

Inü api thsungkheak Thrünpuh ki keokhikhi khihni akhuhbea de? Küdüküdü she yung! Kiulongthsüpuhnü ayamlarü yungsho I buhtsührü shepü kheak she dümudo; tümüde nü yamlarünü ha alala, hihde yungsho nükde tümü mümükheah.”

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.