2 SAMUEL 4:9 - AMÜSÜH HÜM CL Bible (BSI)

⁹ Davidnü Beerothrü Rimmon tsührü Rekab tüsho Baana ki alo, “Atungpuh rhangdung labuh hode thiyuchihchimchoh, shepünü I rhangdung I riri khah chingnü rhokhitkhea,

2 SAMUEL 4:9 Iomraidhean Croise

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

2 SAMUEL 4:2

Kheakü Saul tsührü a thirithsü ching wühkenorü mahne lakheah; khülang mung Baana, tüsho püpü mung Rekab. Ane Beeroth chingnü Benjaminrü Rimmon tsührü ah–tümüde Beeroth ju Benjamin trük chingnü alakheah.

1 KIULONG THSÜRÜ 1:29

Kiulongthsüpuhnü thiyuchihchimde tha, “Atungpuh lale, azhihrübo kheaknü shepünü I rhangdung khümkhit,

MUNGSHIKHÜN 103:4

shepünü athsümünim chingnü nü rhangdung rhokhitcho, shepünü mihmuzho tüsho amüthsümbonü nü kheak thranjihcho,

MUNGSHIKHÜN 106:10

Apinü arübo thraneanrü khah chingnü khümkhit, tüsho thiriri khah chingnü arü rhokhit.

MUNGSHIKHÜN 107:2

Atungpuhnü rhokhitkhinü thashang, shepü apinü thiriri khah chingnü rhokhit,

MUNGSHIKHÜN 34:17

Küyimki thiyuro-lungkirünü arung thsungkheak zhibanü Atungpuhnü alochoh, tüsho arü küpkhuk alala chingnü bekhitchoh.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 69:18

I me thüninde arang tüsho ju rhokhitang; I riribo kheaknü I bekhitang.

MUNGSHIKHÜN 71:23

Inü nü ki khün thsüchoki, I münküpbo tüsho nünü arhokhitkhi I menü tode asühachihbah.

1 SAMUEL 26:24

Nü rhangdung ju khihni I mük ki shoto lakheah, jumonü I rhangdung Atungpuh mük ki shoto lashang, tüsho apinü I thsümütsü chingnü bekhitshang.”