2 SAMUEL 4:4 - AMÜSÜH HÜM CL Bible (BSI)

⁴ Saul tsührü Jonathan a jing kikkhi tsührü khülang lakheah. Küyimki Saul tüsho Jonathan dünkheak Jezreel chingnü thiyusheak arükheanü api kam 5 lakheah. Api mütrürünü shuh-a lubah alihde tso; tüsho anihbe niokheamde atsochoki, api ayokhi tüsho jingkikrü kamkheah. Api mung Mephiboshet lakheah.

2 SAMUEL 4:4 Iomraidhean Croise

2 SAMUEL 21:7

Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

2 SAMUEL 9:13

Mephiboshet a Jirusalem ching la, tümüde api kamruhroro kiulongthsüpuh dükhüm kheak yimtsüh. Kheakü api ajing ane chido kika lakheah.

2 SAMUEL 9:3

Kiulongthsüpuhnü tha, “Inü Thrünpuh mihmuzho huhpü thsüde Saul yamkhün khürü aninga la shi?” Zebanü kiulongthsüpuh ki alo, “Jonathan tsührü aninga lah; api jing kika lah.”

2 SAMUEL 9:6

Saul tsührü Jonathan tsührü Mephiboshet David kilim arü, tüsho amiro koyubah akin jih. Davidnü tha, “Mephiboshet!” Apinü alo, “I nü yamlarü ah.”

1 KIULONG THSÜRÜ 11:17

tüshe Hadad lung abuh yamlarü Edomrü khürü Ijip ching tsoyuk. Judüki api azürü nunu lakheah.

1 KIUTHSÜYUKHEAN 8:34

Jonathan tsührü Meri-baal; Meri-baal tsührü Mika.

1 KIUTHSÜYUKHEAN 9:40

tüsho Jonathan tsührü Merib-baal; tüsho Merib-baal tsührü Mika.

1 SAMUEL 29:1

Kheakü Israelrü Jezreel ching lakhi kenü ki binkheamchoki, Filistiarü a arü thirithsürübo Aphek ching mukhung.

1 SAMUEL 29:11

Jumonü Davidnü Filistia lomi lim alode arüpü thsüde api mihtsürü bebah yapsu mükikde tsahmusu. Tüshe Filistiarü a Jezreel lim wutu.