2 SAMUEL 4:11 - AMÜSÜH HÜM CL Bible (BSI)

¹¹ Dale tüsho thiyuro mihtsürü khülang nihbuh yam ching ayapkiu kheak mihbukmuyuk mihtsürünü laksahsho, küdükhüh she alaba! Tüsho kheakü api thiyih nüke khah chingnü mükheangba de, tüsho nüke alomi chingnü müdükheakshihba de?”

2 SAMUEL 4:11 Iomraidhean Croise

THRÜNTAN 4:11

Kheakü küpü lonü nü niurü thiyih nü khah chingnü leangkhipü kadünü ju lo chingnü nü muthrumüneando.

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

THRÜNTAN 7:23

Junangde apinü alomi kheak rhangdung lakhi alala: mihtsürü tüsho shiwühbo, abüde atsahbe tüsho thüning wuhnu dükheakshih. Noa tüsho api lung sangkung ching larü lang aninga lakheah.

2 SAMUEL 16:8

Saul yamkhün ching thiyih bukshihbah, api müthri nünü kiulongthsükhi dünkheak Atungpuhnü nüsa alala kheak royimdo; tüsho Atungpuhnü kiulongthsü nü tsührü Absalom khah ching jihabahdo. Kheahang, thsümütsünü nü alapdo; tümüde nü thiyih bukshihrü mihtsürü ah.”

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

MUNGSHIKHÜN 109:15

Arübo Atungpuh miki mutukzhakde lashang, junangde apinü arü lümrhihpü alomi chingnü akheamshihbah;

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

ABEKHIT 21:12

“Shepünü mihtsürü khülang kinga sheshihbanü api asheshihbah.

ABEKHIT 9:15

Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

MÜCHITMUDU 2:22

tüshe mihbukmuyuk a alomi chingnü adükheakshihbah tüsho thiyuro mülarü ju chingnü arukkhitbah.

MÜCHITMUDU 25:26

Thiyuro-lungki mihtsürü shepünü mihbukmuyuk ki ayeachihchonü akhimniuhniuh kenü yungsho azhihzhihkhi kekhip nangde lah.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.