2 SAMUEL 3:39 - AMÜSÜH HÜM CL Bible (BSI)

³⁹ I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

2 SAMUEL 3:39 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 19:13

Tüsho Amasa ki thaang, ‘Nü I shih tüsho I thiyih yung de? Jumonü kheakünü rünbah Joab müthri nü I yo bonungrü kurungkheak limthorü müthsüshihsho Thrünpuhnü I kheak alübe she rhimoshang.’ ”

2 SAMUEL 19:22

Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

2 SAMUEL 3:38

Tüsho kiulongthsüpuhnü ayamlarübo ki tha, “Ha nimung ching kiulongthsürü tsührü tüsho mungthu mihtsürü khülang Israel ching lungdo de nüsanü mümükheah de?

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:9

Tüshe api ki amülim mülade düthsü, tümüde nü lümlung larü mihtsürü khülang ah; nünü api kheak tümü rhimobeanü amükheahbah, tüsho nünü abuyukkhi api ku thiyih bebah Ashe-lomi ching hanyukbeah.”

1 KIUTHSÜYUKHEAN 22:5

Kheakü Davidnü tha, “I tsührü Solomon azürü ah tüsho mürhimoakheah, tüsho Atungpuh thsungkheak thsüpü thüyam ju khide atsüdakbe, athukhi tüsho lomi alala ching müretahkhi labeah; inü ju thsungkheak tsanglungbah.” Jumonü Davidnü api müsheyide kukrukbo hihdakde tsanglunga zojih.

1 KIUTHSÜYUKHEAN 29:1

Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

2 KIUTHSÜYUKHEAN 13:7

tüsho amüthülünkhi amütsü mihtsürübo khürü api mükamde mukhung tüsho Solomon tsührü Rehoboam müneah, Rehoboam ju athunu tüsho müdüngying tüsho arü muthsolokhukde alakheah.

MUNGSHIKHÜN 101:8

Lomi ching mihbukmuyuk alala inü nahde athsümünimbah, junangde inü amütsü rhimorü alala Atungpuh kiuto chingnü adükheakshihbah.

MUNGSHIKHÜN 28:4

Arü mihbukmuyuk rhimo yande arü ki jihang; arü khah rhimo yande arü thsümüchiang; arünü athülünkhi arü kheak rhimoang.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MUNGSHIKHÜN 75:10

Mihbukmuyuk juhbo alala inü alipshakbah, tüshe thiyuro-lungkirü juhbo shuhkihbah.

ABEKHIT 21:12

“Shepünü mihtsürü khülang kinga sheshihbanü api asheshihbah.

MÜCHITMUDU 20:8

Küyimki kiulongthsürü khülang nihbuh kiulongthsü-binkiu kheak mahkhappü binbanü api mükbonü amütsü alala yünkhita bahchoh.

MÜCHITMUDU 25:5

kiulongthsürü mikinü mihbukmuyuk bede tsoang, tüsho api kiulongthsü-binkiu thiyuro-lungki ching labah.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

JEREMIA 38:5

Kiulongthsüpuh Zedekianü tha, “ Kheahang api nü khah ching lah; tümüde kiulongthsüpuhnü nüsa müzhipdokhuk.”

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

ROMRÜ KILIM PAULNÜ ATHRÜTKHI KIHÜM HUHTANYU 13:4

tümüde api ju nü tsüpü thsungkheak Thrünpuh yamlarü ah. Tüshe nünü amülim rhimosho, trede laang, tümüde apinü nukshang ju akeangkeang ching mühanchoh; api ju amülim rhimorü kheak bukakhiuk rhimopü Thrünpuh yamlarü ah.

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.

MAHKHAPRÜ 9:57

Tüsho Thrünpuhnü Shekem mihtsürü amütsü-rhimo alala arü ku kheak jihlo, tüsho Jerubbaal tsührü Jotham muthrumünean arü kheak arü.