2 SAMUEL 3:35 - AMÜSÜH HÜM CL Bible (BSI)

³⁵ Judüki mihtsürü alala David ki arübah tümükhüh lang she atsühpü nimungroro tha; tüshe Davidnü thiyuchihchimde tha, “Ani müyüzahchoki inü yikhap yungsho tümükhüh lang she tsühpheansho Thrünpuhnü I kheak alübe she rhimoshang!”

2 SAMUEL 3:35 Iomraidhean Croise

2 SAMUEL 1:12

Arünü tüzhode mitrip, tüsho Saul le atsührü Jonathan, tüsho Atungpuh bonungrü tüsho Israelrü thsungkheaknü arelim khiungde khümkeak thsü, tümütüsho arübo nukshangnü keamshih.

2 SAMUEL 12:17

Api yam ching larü azothsürübonü api miki zhipbah alo kheaknü asürüpü athsung; tüshe apinü mani, yungsho arü lung jim mütsüh.

2 SAMUEL 3:34

Nü khahbo mürhük, nü jingbo mürhük; khürü mihbukmuyuk miki lungkhi nangde nü lungdo.” Tüsho mihtsürü alalanü kheaküshe api dünkheaknü mitrip.

2 SAMUEL 3:36

Mihtsürü alalanü anikhita lu, tüsho junü arü asühshih; junangde kiulongthsüpuhnü arhimokhi lüpdükhinü mihtsürü alala asühshih.

2 SAMUEL 3:9

Jumonü Thrünpuhnü Abner kheak rhimoshang tüsho khide amütsübe she kamshang! Tümüde Atungpuhnü tümü David ki thiyuchihchimkhea, ju inü api thsungkheak akuk ngübah,

1 KIUTHSÜYUKHEAN 10:12

thirithsürü athrungrü alala tsahmusu tüsho Saul pang le api tsührübo pang lubah tso, tüsho jurübo Jabesh ching lude arü. Judüki arünü arü robo Jabesh ching thülamsang khüp kiuyukabah, tüsho arünü nimung thüne khümkeak thsü.

JEREMIA 16:7

Ashekhi mitriprü shukheamde ajihpü shenü yikhap müyihnak; yungsho shenü arü buhrü yungsho berü thsungkheak shukheamkhi pung muduh.

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:22

Tüsho inü rhimokhi nangde nüsanü arhimobah; nüsanü nüsa münküp achangbe düyihdo yungsho mahmi-jimpung dütsüh.

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

RUTH 1:17

Nü küching shebanü I she ashebah, tüsho ju ching kiuyuka bahbah. Ashenü lang müchamde inü nü kheaknü bahbah tsosho Atungpuh thsümüchi amütsübe I kheak akihshang!”

1 SAMUEL 3:17

Elinü tha, “ Apinü nü ki tümü thakhea? Ju I kheaknü dümüyim. Apinü nü ki asukkhi tümükhüh I kheak müyimsho Thrünpuhnü nü kheak rhimoshang tüsho alü she rhimoshang.”