2 SAMUEL 3:3 - AMÜSÜH HÜM CL Bible (BSI)

³ mahnepü ju Karmelrü Nabal niube Abigailnü Kileab zübejih; asampü, Geshur kiulongthsüpuh Tamai tsührü Makanü Absalom zübejih;

2 SAMUEL 3:3 Iomraidhean Croise

2 SAMUEL 13:1

Kim anükhüh dunglim, David tsührü Absalom niurü akheahakhamkhi amung Tamar lakheah; tüsho David tsührü Amnonnü alibe kheak muzho.

2 SAMUEL 14:23

Jumonü Joabnü tsahmusubah Geshur lim yü, tüsho Absalom ju Jirusalem lim bebah arü.

2 SAMUEL 14:24

Kiulongthsüpuhnü tha, “Api nihbuh yam ching yüshang; api I miki mazahbeah.” Jumonü Absalomnü nihbuh yam lim yü, tüsho kiulongthsüpuh miki müyüzah.

2 SAMUEL 14:32

Absalomnü Joab ki alo, “ Kheahang, inü nü kilim thiyu ha arüshihdo: Ha ching arang, junangde inü akeokhikhi ha mühahbah nü kiulongthsüpuh ki yüshihbah, ‘ Tümü thsüpü I Geshur chingnü arükhea? I ju ching lakhipünü atsübe thsüdo.’ Jumonü kheakü I kiulongthsüpuh miki yüzahanü; I kheak amülim lasho apinü I laksahshang!”

2 SAMUEL 15:7

Kam phüyi kheam dunglim Absalomnü kiulongthsüpuh ki tha, “Muzhobah I Hebron lim yüshang tüsho inü Atungpuh ki thiyuchihchimkhi jihanü.

2 SAMUEL 15:8

Tümüde Siria lomi Geshur ching lachoki nü yamlarünü thiyuchihchim khülang thsüdo: Atungpuhnü I Jirusalem lim belodarüsho, inü Hebron ching Atungpuh kingaünbah.”

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

2 SAMUEL 2:2

Jumonü Davidnü ayamkhünrü mahne, Jezreelrü Ahinoam, tüsho Karmelrü Nabal niube Abigail lung ju ching wutu.

1 KIULONG THSÜRÜ 1:6

Anihbuh abuhnü küyimkishe, “Tümüde nünü ha tüsho ha ruk rhimokhea?” de keokhide api müthürüh. Kheaküshe api khide akheahakham mihtsürü lakheah, tüsho api ju Absalom khin zübekheah.

1 KIULONG THSÜRÜ 2:15

Apinü tha, “Kiulongthsü I yo ah tüsho Israel alalanü I kiulongthsüpü mürheangkheah de nünü mükheahlah; tahle, kiulongthsü ju müthriabah tüsho I niurü yo kamabah, tümüde Atungpuh kilimnü api yo thsüa lah.

1 KIUTHSÜYUKHEAN 3:1

Harü ha Hebron ching zübekhi David tsührübo: Jezreelbe Ahinoamnü zübekhi adüjibuh Amnon; Karmelbe Abigailnü zübekhi ju Daniel;

1 KIUTHSÜYUKHEAN 3:2

asampü Geshur kiulongthsüpuh Talmai tsührü, Maaka kheaknü Absalom; aphüyipü Haggith kheaknü Adonija;

YUZÜNGTHALO 3:14

Manaserü Jairnü Argob kewung ju Bashan, Geshur aredung tüsho Makathrü khiungde lu, tüsho kiulongbo ju api mung yande Havvoth-jair de ji, ju khihni khiungde lah.)

JIHUSUA 13:13

Tütüshe, Israelrünü Geshur tüsho Maaka mihtsürübo müyankhit; arü khihni khiungde Israel ching lah.

1 SAMUEL 25:3

Kheakü mihtsürü mung ju Nabal, tüsho aniube Abigail lakheah. Alibe ju rükri larü tüsho akheahakham lakheah, tüshe aniubuh a bukmükerü tüsho khükhürararü Kalebrü lakheah.

1 SAMUEL 25:42

Abigailnü nahde asürü tüsho donki kheak binbah limro ching yü; anihbe yamlaberü phüngünü alibe yande yü. Alibenü David yunithsürübo dunglim yü tüsho api niube kam.

1 SAMUEL 27:8

Kheakü David tüsho api mihtsürübo wutubah Geshurrü, Girzrü tüsho Amalekrü bede keochihpü thsakham; tümüde harübo ha Telam chingnü Shur tüsho Ijip lomi limro lo ching larübo ah.