2 SAMUEL 3:27 - AMÜSÜH HÜM CL Bible (BSI)

²⁷ Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 SAMUEL 3:27 Iomraidhean Croise

2 SAMUEL 13:26

Judüki Absalomnü tha, “Jude yungsho, muzhobah I khiung Amnon isa lung arüshang.” Kiulongthsüpuhnü api ki tha, “Tümü thsüpü api nü lung yüpü?”

2 SAMUEL 19:13

Tüsho Amasa ki thaang, ‘Nü I shih tüsho I thiyih yung de? Jumonü kheakünü rünbah Joab müthri nü I yo bonungrü kurungkheak limthorü müthsüshihsho Thrünpuhnü I kheak alübe she rhimoshang.’ ”

2 SAMUEL 3:26

Küyimki Joabnü David mikinü akhiukkhea, apinü yunithsürübo Abner dunglim yüshih, tüsho arünü api Sira kekhip chingnü belobah arü; tüshe ju dünkheak Davidnü mümükheah.

2 SAMUEL 3:28

Jushu, küyimki Davidnü ju sokhea, apinü tha, “Ner tsührü Abner thiyih dünkheaknü I tüsho kiulongthsü lünnü Atungpuh miki amülim müla.

2 SAMUEL 4:1

Küyimki Saul tsührü Ishboshetnü Abner ju Hebron ching shedo de asokhea, api mulong niniabah, tüsho Israel alala arhunganim.

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:5

“Kheaküshe Zeruia tsührü Joabnü I ki tümü rhimokhea, apinü Israel bonungrü limthorü mahne, Ner tsührü Abner, tüsho Jether tsührü Amasa laksah. Apinü mungtsü kim ching thirithsü thiyih bukshih, tüsho thirithsü thiyih api chim mükamde pangrümbe kheak yihkih.

1 KIUTHSÜYUKHEAN 27:21

Gilead ching Manase trük chamkhüh thsungkheak, Zekaria tsührü Iddo; Benjamin thsungkheak, Abner tsührü Jaasiel;

MÜCHITMUDU 26:26

apinü athraneankhi ju akeangyunü lüpdodo she api mihbukmuyukkhi amukhungrü alala miki akhiuka huhbah.

JEREMIA 41:2

Nethania tsührü Ishmael tüsho api lung mihtsürü 10 wusu tüsho Shaphan tsührü Ahikam tsührü Gedalia nukshangnü laksah, tümütüsho Babilon kiulongthsüpuhnü api lomi ching kovünor mokhita lakheah.

WÜHKHE 35:19

Ashebuh buhtsührünü mihtsürü laksahbuh ju asheshihbah; küyimki apinü ju buh shorubanü apinü asheshihbah.

WÜHKHE 35:20

Mihtsürü khülangnü khürü kheak mükheahnede nima adansahshihsho yungsho bindobah api kheak tümükhühnü kingsho,

YUZÜNGTHALO 27:24

“‘Shepünü nihbuh yamhingrü ramde alaksahbanü api muthrumünean thsang.’ Tüsho mihtsürü alalanü athabah, “Amen!”