2 SAMUEL 3:12 - AMÜSÜH HÜM CL Bible (BSI)

¹² Abnernü Hebron ching David kilim yunithsürübo yüshihde tha, “Lomi ha shepü yo a? Nünü I ki tangzüngang, tüsho nü kilim Israel alala bedarüpü inü nü kheak arung jihbah.”

2 SAMUEL 3:12 Iomraidhean Croise

2 SAMUEL 19:14

Amasanü arü khülang kamde Juda mihtsürü alala mulong kukabah, tüsho arünü kiulongthsüpuh kilim thiyu yüshih, “Nü tüsho nü yamlarü alala alodarang.”

2 SAMUEL 19:41

Judüki Israel mihtsürü alala kiulongthsüpuh ki arübah tha, “Tümüde isa keoniorü Juda mihtsürübonü kiulongthsüpuh tüsho api yamkhün tüsho api lung David mihtsürü alala ahüh-a bea lubah Jordan hoshihkhea?”

2 SAMUEL 19:6

tümüde nü thraneanrü ki nünü muzhochoh tüsho nü muzhorü ki nünü thraneanchoh. Limthorübo tüsho atorübo nü miki tümü she yung de khihni nünü mütsanjihdo; tümüde khihni isa alala shebah Absalom rhangdung lakhülaa nü asühbah de inü ngükhitdo.

2 SAMUEL 3:11

Tüsho Abnernü athakhi yu Ishboshetnü malokhuk, tümütüsho anihbuhnü api treabah.

2 SAMUEL 3:13

Apinü tha, “Tsülah; inü nü kheak tangzüng khülang thsübah. Tüshe nü kheaknü inü alunepü rhimo khülang ju: küyimki I shorupü arübanü, Saul tsührü Mikal mübesho küyimkishe I miki nü marü.”

2 SAMUEL 3:21

Abnernü David ki tha, “I yüanü tüsho Israel alala I tungpuh kiulongthsüpuh ki bemukhunganü, ju hode arünü nü kheak tangzüng khülang thsübah, tüsho nü mulongnü akünkhi nangde nünü alala kurungkheak kiulongthsübah.” Jumonü Davidnü Abner yüshih, tüsho api mungtsü chingnü yüabah.

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 SAMUEL 3:38

Tüsho kiulongthsüpuhnü ayamlarübo ki tha, “Ha nimung ching kiulongthsürü tsührü tüsho mungthu mihtsürü khülang Israel ching lungdo de nüsanü mümükheah de?

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.