2 SAMUEL 24:25 - AMÜSÜH HÜM CL Bible (BSI)

²⁵ Davidnü ju kheak Atungpuh kilim kingaün sadam thsü, tüsho taka kingaünkhi le mungtsü kingaünbo jih. Jumonü apinü lomi thsungkheak tamkhüntamnükhi Atungpuhnü alojih, tüsho arüm ju Israel chingnü tukloabah.

2 SAMUEL 24:25 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 22:9

Judüki Thrünpuhnü api ki thakhi dangpung ching ane arü. Abrahamnü ju ching kingaün sadam khülang thsü, tüsho sang tsanglunga zo; tüsho apinü atsührü Isak rhükbah kingaün sadam kheak, sang mujung kheak yapshih.

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

2 SAMUEL 21:14

Arünü Saul tüsho atsührü Jonathan robo ju Zela ching lakhi Benjamin lo ching, abuh Kish mibahpung ching kiuyukabah; kiulongthsüpuhnü thiyukhüm jihkhi alala arünü rhimo. Jushu, lomi thsungkheak tamkhüntamnükhi Thrünpuhnü sojih.

2 SAMUEL 24:14

Judüki Davidnü Gad ki tha, “I lümthsünü ato ching lah; ikenü Atungpuh khah ching yüzahanü, tümüde api mihmüthsüm tolah; tüshe inü mihtsürü khah ching müyüzahnü.”

1 KIULONG THSÜRÜ 1:1

Kiulongthsüpuh David khide shina lakheah; tüsho ayamlarübonü api khimnü phudodo she mülamlamde alakheah.

EZEKIEL 16:42

Judüki nü azhihde I mulong zhipzhip keamlobah tüsho I mükthsü bukakhiuk nü kheaknü rholode atsobah; I azhihayihde akambah tüsho kheaküa bukmakhiuk.

WÜHKHE 17:13

Shepünü Atungpuh yam ki lang she phünide arübanü ashebah. Isa alala asheba de?”

MAHKHAPRÜ 21:4

Jumonü ashido yapsu mihtsürübonü mükikde asürübah ju ching kingaün sadam thsü tüsho taka kingaünkhi le mungtsü kingaünbo jih.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.

1 SAMUEL 13:9

Jumonü Saulnü tha, “ Taka kingaünkhi tüsho mungtsü kingaün ha ching I ki hande arang.” Tüsho apinü taka kingaün.

1 SAMUEL 14:35

Tüsho Saulnü Atungpuh kilim kingaün sadam khülang thsü; ha apinü Atungpuh kilim kingaün sadam thsükhi akhuhbe lakheah.

1 SAMUEL 7:17

Tüsho apinü Rama lim alode arü, tümüde ju ching api yam lakheah; apinü ju ching she Israel kheak mahkhap, tüsho Atungpuh kilim kingaün sadam thsü.

1 SAMUEL 7:9

Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.