2 SAMUEL 24:22 - AMÜSÜH HÜM CL Bible (BSI)

²² Jushu Araunanü David ki tha, “I tungpuh kiulongthsüpuhnü lushang tüsho apinü tümü tsülanü jihshang; ha ching taka kingaünpü thsungkheak moshipungbo lah, tüsho atakbe sang thsüpü hinitpung khimkhibo tüsho moshi kheak yo sangkapbo lah.

2 SAMUEL 24:22 Iomraidhean Croise

THRÜNTAN 23:11

“Yung, I tungpuh, I ki aniang; inü thulu tüsho ju ching lungkhün nü kilim jihchoh, inü ju I mihtsürübo mikinü nü kilim jihchoh. Nü yo ashemi kiuyuka bahang.”

1 KIULONG THSÜRÜ 19:21

Apinü anihbuh yankhi chingnü alode yübah moshipungbo lua laksah; moshipungbo kheak yo sanglungbo lua takbah shih ju khiung, tüsho mihtsürübo kilim kip, tüsho arünü tsüh. Ju dunglim apinü tsahmusubah Elija dunglim yan, tüsho api yamlarü kamabah.

1 KIUTHSÜYUKHEAN 21:22

Davidnü Arauna ki tha, “I kilim hinitpung lopung jihang, junangde inü ju kheak Atungpuh kilim kingaün sadam khülang thsüanü–ju I kilim adün mokhi chingnü jihang– junangde arüm ju mihtsürübo kheaknü atuklobah.”

MAHKHAPRÜ 6:26

tüsho ha lungto mi kheak tsüde tsanglungbah Atungpuh nü Thrünpuh kilim kingaün sadam khülang thsüang, tüsho mahnepü moshipung lubah nünü sangthsü kiukheamkhi sangnü Atungpuh kilim laksah-a taka kingaünkhi jihang.”

1 SAMUEL 6:14

Lolungbe ju Beth-shemeshrü Jihusua lu ching arü, tüsho ju ching tuklo. Ju ching lung ato khülang lakheah; jumonü arünü lolungbe sang chenak tüsho moshibo ju Atungpuh kilim taka kingaün.