2 SAMUEL 24:17 - AMÜSÜH HÜM CL Bible (BSI)

¹⁷ Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

2 SAMUEL 24:17 Iomraidhean Croise

THRÜNTAN 18:23

Abrahamnü thüninde arü tüsho tha, “Nünü thiyuro-lungkirü she mihbukmuyukrü lung dükheakshihba de?

THRÜNTAN 44:33

Jumonü kheakü, muzhobah azübuh müthri nü yamlarü a I tungpuh azhorü thsüde tukloa lashang, tüsho azübuh a api khiungmungrü lung yüshang.

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIULONG THSÜRÜ 22:17

Judüki Mikaianü tha, “Namfimihnu aneakrü mülakhi nangde Israel alala inü awungbo kheak hiumüzütkhi ngüdo; tüsho Atungpuhnü tha, ‘ Harübo aputungrü müla; arübo mungtsü chingnü thüyam lim yüshang.’”

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

JOB HU H T ANYU 7:20

Nü mihtsürü kheahbuh, inü neak yihbeaka lasho, nü ki inü tümü thsüba? Tümüde nünü I nü mükkheahkih thsükhea? Tümüde I nü hahmülang kamkhea?

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 44:11

Nünü isa alaksahpü lakhi namfimihnunu nangde kamshih, tüsho trükshihbo lung isa hiumüzütshih.

MUNGSHIKHÜN 74:1

O Thrünpuh, tümüde nünü isa lünnü bahyuka la? Tümüde nü mihtsürü azhihde bukakhiukcho?

MUNGSHIKHÜN 78:71

namfimihnu neakde alakhi chingnü api mihtsürü Jakob, api yamrüplurüp Israel neakshihpü api bede arü.

ABEKHIT 10:16

Judüki Pharaonü niokheamde Mosa tüsho Aron jibah tha, “Inü Atungpuh nüsa Thrünpuh tüsho nüsa azhihde neak yihbeakdo.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

JONA 1:12

Apinü arü ki tha, “ I shuhkihang tüsho keto ching jipyukang; jushunü nüsa thsungkheak keto keamlobah; tümüde I dünkheaknü ha chinthrüm ato nüsa kheak arüdo de inü mükheahlah.”

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”