2 SAMUEL 24:16 - AMÜSÜH HÜM CL Bible (BSI)

¹⁶ Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

2 SAMUEL 24:16 Iomraidhean Croise

THRÜNTAN 10:16

Jebusrü, Amorrü, tüsho Girgashrü;

THRÜNTAN 6:6

Tüsho apinü alomi kheak mihtsürü thrünkhi dünkheak Atungpuhnü mulong ashide lüm, tüsho api mulong rozhakde alakheah.

2 SAMUEL 24:18

Ju nimung Gadnü David kilim arü tüsho api ki tha, “Wutuang tüsho Jebusrü Arauna hinitpung ching Atungpuh kilim kingaün sadam khülang thsüang.”

2 SAMUEL 5:8

Davidnü ju nimung tha, “Sherünü Jebusrü laksahbanü, Davidnü amükheahnekhi müktukrü tüsho jingkikrü laksahpü keru yande yüang.” Jumonü ha ruk tha, “Müktukrü tüsho jingkikrünü Atungpuh yam ching müyüzah.”

1 KIULONG THSÜRÜ 19:4

Tüshe api a nimung khülang hantsahde sunglo ching yü, tüsho arübahle sunglo phütdungsang khüp bin. Api ashebah de apinü keokhi: “Ha suhdahdo; O Atungpuh , kheakü I rhangdung lubah tsoang, tümüde I a isa jipürü kheaknü atsü yung.”

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

1 KIUTHSÜYUKHEAN 1:14

Jebusrü, Amorrü, Girgashrü,

2 KIUTHSÜYUKHEAN 3:1

Solomonnü abuh David ki Atungpuh akhiukpung, Davidnü amung jijihkhi dangpung ching, Jebusrü Arauna hinitpung kheak, Jirusalem ching Moria wung kheak Atungpuh thsungkheak thüyam khülang thsü.

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

MUNGSHIKHÜN 135:14

Tümüde Atungpuhnü api mihtsürü mahkhapbah, tüsho apinü api yamlarübo kheak muzhobah.

MUNGSHIKHÜN 35:6

Atungpuh yunirünü arü müshamde, arü limro mitingshang tüsho shahshahshang.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ABEKHIT 9:28

Atungpuh ki tamkhüntamnüang, junangde kheaküa tsüngmuk ato tüsho arulung mülade alabah, tümüde ha suhdo. Inü nüsa atsoshihbah, tüsho nüsa kheaküa mülalo.”

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

JEREMIA 42:10

Nüsanü lang ha lomi ching lasho, inü nüsa bemusubah tüsho nüsa muthokheam; inü nüsa khimbah, tüsho nüsa murukkhit; tümüde inü nüsa kheak thsümütsü handarükhi dünkheak I mulong ashilah.

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

ZEKARIA 9:7

Inü amün chingnü thiyih tüsho ahübo dükeak chingnü athraneanbebo hande atsobah; ha kheaküshe isa Thrünpuh thsungkheak aningkhi larü thsübah; ha Juda ching guk khülang ruk labah, tüsho Ekron ju Jebusrü ruk labah.

MARK 14:41

Judüki apinü mahsam kipü arü tüsho arübo ki tha, “Nüsa kheakü khiungde yapla de tüsho sühakhimla de? Ha suhdo! Kim arüdo; kheahang, Mihtsürü Tsührü aneakrübo khah ching jihdo.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

1 KORINT 10:10

yungsho arü khürünü rhimobah athsümünimrünü adükheakshihkhi nangde isanü matsangnü.

2 KORINT 2:6

Nüsa ahihkhühnü ha mihtsürü hanangde thsümüchikhi suhdahdo.

JIHUSUA 15:63

Tüshe Jirusalem ching larü Jebusrü a Judarünü müyankhitkhuk; jumonü Jebusrü ju arü lung khihni khiungde lah.

MAHKHAPRÜ 1:21

Tüshe Benjamin tsührübonü Jirusalem ching lakhi Jebusrü yankhita mübah; jumonü khihni khiungde Jebusrü ju Benjaminrü lung Jirusalem hing lah.

MAHKHAPRÜ 19:11

Arübo Jebus thüninde lakheah tüsho nimung hoabahde alakheah; tüsho yamlarünü anihbuh putungrü ki tha, “ Muzhobah arang, tüsho alode yübah Jebusrü kiuto ching yapanü.”

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.