2 SAMUEL 24:14 - AMÜSÜH HÜM CL Bible (BSI)

¹⁴ Judüki Davidnü Gad ki tha, “I lümthsünü ato ching lah; ikenü Atungpuh khah ching yüzahanü, tümüde api mihmüthsüm tolah; tüshe inü mihtsürü khah ching müyüzahnü.”

2 SAMUEL 24:14 Iomraidhean Croise

2 SAMUEL 9:8

Apinü akin jihde tha, “I khihnu ashemi she mumokhi kheak kheahpü thsüde nü yamlarü tümü a?”

2 KIULONG THSÜRÜ 6:15

Küyimki Thrünpuh mihtsürü yapsu mükikde asürübah awukhiukkhea, khorabo tüsho khora-lolungbe bebah bonungrübonü kiuto alala zündoa lakheah. Api yamlabuhnü tha, “Aha, aputungpuh! Isa küde athsüba?”

1 KIUTHSÜYUKHEAN 21:13

Judüki Davidnü Gad ki tha, “I lümthsünü ato ching lah; I Atungpuh khah ching keamshang, tümüde api amüthsüm khide tolah; tüshe I mihtsürü khah ching mükeamnü.”

MUNGSHIKHÜN 119:156

Nü amüthsümbo ju ato ah, O Atungpuh ; nü mahkhapkhibo yande I thsüphulojang.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 130:7

O Israel, Atungpuh kheak mulonglamang; tümüde Atungpuh lung mihmüthsüm lah. Tüsho api lung arhokhitkhi muzhomopungde lah.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MÜCHITMUDU 12:10

Thiyuro-lungki mihtsürünü anihbuh shiwüh yihnüpü lakhi kümchoh, tüshe mihbukmuyuknü amuzhodakkhi ju yihkhro ah.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 39:17

Tüshe ju nimung inü nü khümkhitbah, Atungpuhnü thachoh, tüsho nünü trede alarü khah ching nü müjih.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MIKA 7:19

Nünü isa kheak mihmuzholobah; nünü isa mülimkhibo müphü khüp thrümbah. Nünü isa neakbo alala keto asük ching bahjihbah.

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.