2 SAMUEL 24:1 - AMÜSÜH HÜM CL Bible (BSI)

¹ Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 SAMUEL 24:1 Iomraidhean Croise

THRÜNTAN 45:5

Tüshe kheakü, nüsanü I ha ching yinkhi dünkheaknü nüsa mulong dütukthsü yungsho nüsa nihbuh kheak bukdakhiuk; tümüde Thrünpuhnü rhangdung küma lashihpü nüsa müngühnü I thiyido.

THRÜNTAN 50:20

Nüsa thsungkheak a, nüsanü I azhihde amütsü thsükhi lah; tüshe Thrünpuhnü a khihni hanangde mihtsürü ahihdo rhangdung khümkhitpü atsü thsungkheak lah.

2 SAMUEL 12:11

Atungpuhnü ha thachoh: Nü yam chingnü inü nü azhihde thsümütsü akhiukshihbah; tüsho inü nü niube nü mük kinü lubah nü yamhingrü kilim jihbah, tüsho apinü ha anidüchi chingnü nü niube lung yapbah.

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 KIULONG THSÜRÜ 3:6

Jumonü kiulongthsüpuh Jehoramnü Samaria chingnü ju kim ching wukhiuk tüsho Israel alala trüngmukhung.

1 KIUTHSÜYUKHEAN 21:1

Arimrinü Israel azhihde wusu, tüsho Israel mihtsürü kheshihpü David ki athsung.

1 KIUTHSÜYUKHEAN 7:2

Tola tsührübo: Uzzi, Rephaia, Jeriel, Jamai, Ibsam, tüsho Shemuel, arü jipürü yamkhünbo ching akubo ah. Tola ha arü lünbo ching khide athrungrü, David nimungbo ching arü wühkhekhi 22,600.

1 KIUTHSÜYUKHEAN 7:40

Harü alala Asher tsührübo, arü abuh yamkhünbo ching aku, amokhitkhi mihtsürü, athrungrü, khuhto limberübo lakheah. Tüsho arübo thirithsüpü thülünkhi bonungrü bolung tsühsoniuso yukhean ching thrütyuka lakheah; arü wühkhekhi ju 26,000.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

ABEKHIT 7:3

Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

EZEKIEL 14:9

Tüsho wukihrü ju müchityu thapü mülapyuka lasho, I Atungpuh nü ju wukihrü mülapyukkheah, tüsho inü api azhihde I khah chungkihbah tüsho I mihtsürü Israel bolungnü api dükheakshihbah.

EZEKIEL 20:25

Kheaküshe amütsü thiyuzüngbo tüsho arü mülakhukbe yakzanbo inü arü kilim jih;

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

WÜHKHE 1:19

Atungpuhnü Mosa ki thiyukhüm jihkhi nangde Sinai sunglo ching arü mung khea lu.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

2 TESALONIKA 2:11

Jumonü tümü arükchih lanü arünü akinshihpü Thrünpuhnü arü kheak amülim wu yüshih,

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’