2 SAMUEL 23:5 - AMÜSÜH HÜM CL Bible (BSI)

⁵ I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

2 SAMUEL 23:5 Iomraidhean Croise

THRÜNTAN 9:16

Küyimki amobo ching mürechin akhiukbanü, inü ju kheahbah tüsho Thrünpuh le alomi kheak rhangdung lakhi loriloko mungji alala dükeak akheam müla I tangzüng lümkhitbah.”

2 SAMUEL 12:10

Kheakü jumonü nukshang nü yam chingnü küyimkishe müchamachih, tümüde nünü I mükhemükimdo, tüsho Hitbuh Uria niube nü niube thsüpü ludo.

2 SAMUEL 13:14

Tüshe apinü alibe ki mani; tüsho anihbe kheaknü amüküpbe thsümonü, apinü anihbe kheak nimkih tüsho alibe kheak amütsü rhimo.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

2 SAMUEL 18:14

Joabnü tha, “Hanangde I nü lung kim mübah.” Apinü thsüh mahsam akhah ching lu, tüsho Absalom thülamsang kheak arhang lachoki amulong ching düchip.

2 SAMUEL 7:12

Küyimki nü nimungbo khiungba tüsho nü nüsa jipürü lung yübanü, inü nü pang chingnü tsührü nü dunglim asürüshihbah, tüsho inü api kiulongthsü thsakhamjihbah.

2 SAMUEL 7:18

Judüki kiulongthsüpuh Davidnü yüzah tüsho Atungpuh miki binbah tha, “O Atungpuh T HRÜNPU H , I shepü a, I yamkhün tümü lakhinü I ha khiungde bedarükhea?

1 KIULONG THSÜRÜ 1:5

Kheakü Haggith tsührü Adonijanü azangrü shuhkihde tha, “I kiulongthsürü thsübah”; apinü amüngüh alihshihpü khora-lolungbe tüsho khoraberü, tüsho mihtsürü 50 tsanglung.

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

1 KIULONG THSÜRÜ 12:14

tüsho athrününgtsüngbonü athsunganahkhi yande apinü arü ki tha, “I buhnü nüsa hah mülangshihdo, tüshe inü nüsa hahmülang kheak khiojihbah; I buhnü nüsa rhaptsonü dando, tüshe inü nüsa lungthsührinü adanbah.”

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 119:81

Nü akhümkhit thsungkheak I me keaksahchoh, tüshe inü nü yu ching kinchoh.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 62:2

Api lang I lungto tüsho I akhümkhit; api I chipi, küyimkishe I matrüt.

MUNGSHIKHÜN 89:3

“Inü mokhitkhi kheak inü tangzüng khülang thsüdo, inü I yamlarü David ki thiyuchihchimdo:

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 27:6

Arübe nimung ching Jakobnü aying chinbah, Israelnü adübit chinde abün pungbah tüsho alomiküp athrünkhi sangasonü amibah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 54:10

Tümüde awungbo tsopü tüsho awung mujukbo lah-a bahpü kuklah, tüshe I muzhodakkhi nü kheaknü müchamachih, tüsho I mungtsü tangzüngkhi makhin, nü kheak muzhokhi Atungpuhnü thachoh.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 33:21

jushu lang I yamlarü David kheak tangzüngkhi thsümünimkhukbah, junangde api kiulongthsü-binkiu kheak kiulongthsüpü tsührü tüsho I tankihrü Levirü ki I tangzüng mülade alabah.

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

YUNIRÜBO RHIMO 13:34

Tüsho apinü ashekhi chingnü api arhang kamloshih, kheaküa küyimkishe kiuyuk ching müshuhabahshih, apinü hanangde tha, ‘Inü David ki alokhikhi amüsüh tüsho müngühmühi nü kilim jihbah.’

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 6:19

Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.