2 SAMUEL 23:3 - AMÜSÜH HÜM CL Bible (BSI)

³ Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

2 SAMUEL 23:3 Iomraidhean Croise

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

2 SAMUEL 22:32

Tümüde Atungpuh hobah shepü Thrünpuh a? Tüsho isa Thrünpuh hobah shepü lungto a?

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

NEHEMIA 5:14

I Juda lomi kurungkheak yakzanshuhrü thsükhi amuyung, Artazerzes kiulongthsü kam muku chingnü kam samrükheak mahne khiungde, I tüsho I keoniorü shenü she yakzanshuhrünü atsühbe tsühyungbe mütsüh.

JOB HU H T ANYU 34:17

Thiyuro thraneanrünü yakzan shuhba de? Nünü thiyuro-lungki tüsho Wuto bahyukba de?

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 42:9

I tsungdojihrü, I Thrünpuh ki inü athabah, “Tümüde nünü I mih-a la? Tümüde I ririnü junokhinü I tüzhode ayüba?”

MUNGSHIKHÜN 72:1

O Thrünpuh, kiulongthsüpuh kilim nü mahkhapbo, tüsho kiulongthsüpuh tsührü kilim nü thiyuro-lungki jihang.

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

MÜCHITMUDU 31:9

Nü mün khimshuhang, thiyuro-lungkinü mahkhapang, tüsho zhochihrü le müthsümülarü alim tsungdojang.”

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.