2 SAMUEL 23:20 - AMÜSÜH HÜM CL Bible (BSI)

²⁰ Kabzeelrü Jehoiada tsührü Benaia athrungrü thirithsürü, ato rhimorü lakheah; apinü Moabrü Ariel tsührü 2 kiua lungshih. Kheaküshe apinü phürüm shu nimung yükibah kekhüzü khülang alokhün chingnü laksah.

2 SAMUEL 23:20 Iomraidhean Croise

2 SAMUEL 1:23

Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

2 SAMUEL 20:23

Kheakü Joab ju Israel bonungrü alala limthorü lakheah; Jehoiada tsührü Benaia ju Kerethrü tüsho Pelethrü limthorü lakheah;

2 SAMUEL 23:19

Api ju samrü bolung khide mungthu lakheah, tüsho arübo limthorü kam; tüshe api a mahsam ju mukhiung.

2 SAMUEL 23:21

Tüsho apinü Ijiprü mihtsürü trungdung atsü khülang laksah. Ijipbuh ju akhah ching thsüh shuhkheah; tüshe Benaianü api azhihde yübah tso khülangnü Ijipbuh khah chingnü thsüh ju lakkhia bahjih, tüsho anihbuh thsühnü api ju laksah.

2 SAMUEL 23:22

Hanangde Jehoiada tsührü Benaianü rhimo, tüsho api she athrungrü mahsam bolung mungthu ngü.

2 SAMUEL 8:18

Jehoiada tsührü Benaia ju Kerethrü tüsho Pelethrü kurungkheak aberü lakheah; tüsho David tsührübo amükeamrü lakheah.

1 KIULONG THSÜRÜ 1:26

Tüshe apinü I nü yamlarü, amükeambuh Zadok, Jehoiada tsührü Benaia, tüsho nü yamlarü Solomon müjiyuk.

1 KIULONG THSÜRÜ 1:38

Jumonü amükeambuh Zadok, wukihbuh Nathan, Jehoiada tsührü Benaia, tüsho Kerethrü le Pelethrü yükibah kiulongthsüpuh David khoranunu kheak Solomon binshih, tüsho api Gihon lim bebah arü.

1 KIULONG THSÜRÜ 1:8

Tüshe amükeambuh Zadok tüsho Jehoiada tsührü Benaia, tüsho wukihrü Nathan, Shimei, Rei tüsho David bonungrübonü Adonija kilim murung.

1 KIULONG THSÜRÜ 2:46

Judüki kiulongthsüpuhnü Jehoiada tsührü Benai ki thiyukhüm jih; tüsho anihbuhnü wukhiukbah api kinga lungshih, tüsho api sheabah.

1 KIUTHSÜYUKHEAN 12:8

Gadrü kilimnü athrungrü tüsho thirithsü ching rük zahrü, tsung tüsho thsüh shuhsorü, miro kekhüzübo nangde, tüsho awung ching alihde atsahkhi rimsung nangde David kilim sunglo chipi ayünkhi ching yü:

1 KIUTHSÜYUKHEAN 18:17

Jehoiada tsührü Benania ju Kereth tüsho Peleth kurungkheak lakheah; tüsho David tsührübo ju kiulongthsüpuh tankihpü ching atorübo lakheah.

ABEKHIT 15:15

Kheakü Edom limberübo treabahdo; Moab wuto mihtsürübo ajanchoh; Kanan mihtsürübo arü mulong niuabahdo.

JIHUSUA 15:21

Düjinglim limshu ching lakhi Juda trük kiutobo, Edom aredung phünide alakhibo ju Kabzeel, Eder, Jagur,