2 SAMUEL 23:10 - AMÜSÜH HÜM CL Bible (BSI)

¹⁰ tüshe api a düngde zhip. Api akhah keah-a nukshang muchungkhukyi khiungde apinü Filistiarü kiua lungshih. Ju nimung Atungpuhnü akuk ngükhi ato handarüjih; tüshe mihtsürübo a api dunglim ashemi kheaknü kukruk lupü lang arü.

2 SAMUEL 23:10 Iomraidhean Croise

2 SAMUEL 23:12

Tüshe apinü a ju dangpung phulung ching zhipbah tsunglo, tüsho Filistiarü laksah; tüsho Atungpuhnü akuk ngükhi ato handarüjih.

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

1 KIUTHSÜYUKHEAN 11:13

Filistiarü thirithsüpü mukhunga lachoki api Pas-dammin ching David lung lakheah. Ju ching barli lakhi alopung lakheah. Tüsho mihtsürübo Filistiarü kheaknü tso,

MUNGSHIKHÜN 108:13

Thrünpuh hode isanü akuk ngübah tüsho apinü isa riri junakbah.

MUNGSHIKHÜN 144:10

shepünü kiulongthsürübo kilim akuk ngüshihcho, shepünü api yamlarü David bekhit.

MUNGSHIKHÜN 68:12

“ Kiulongthsürübo le bonungrübo alihde tsochoh, tüsho aliberübo thüyam ching aninga larünü ayankhikhi kukruk chamchoh.

ISAIA 53:12

Jumonü inü ato bolung api ki shihcham jihbah tüsho sühmüh lakhi lung api ayankhikhi-kukruk chama jihbah; tümütüsho apinü anihbuh langzünü she tüsho alakmihrü lung kheyuk; tütüshe apinü ahihdo neak han tüsho alakmihrü thsungkheak tamkhüntamnü.

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

JIHUSUA 11:8

Atungpuhnü arübo Israelrü khah ching jih; Israelrübonü Misrephothmaim, Sidon, tüsho Mizpa jindükhün aniakhiuklim khiungde müshamde yan. Thiriri müshekhamyi khiungde arünü yande laksah.

MAHKHAPRÜ 15:14

Küyimki api Lehi ching arükheanü, Filistiarünü api azhihde ahode arü. Judüki Atungpuh me api kheak tode arü; tüsho abin kheak liubo ju monü atakkhi hing nangde kam, tüsho akhahbo chingnü arhükkhi atreakabah.

MAHKHAPRÜ 15:18

Judüki api khide kethüride kam; jumonü apinü Atungpuh ki zhi tüsho tha, “Nü yamlarü khah hode nünü ha abekhitkhi ato jihdo; tüsho kheakü kethürinü I asheba de tüsho tsütamübahrü khah ching I keamba de?”

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 14:23

Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:53

Israelrübonü Filistiarü müshamkhi chingnü alode arü, tüsho arü khimyam luka lujih.

1 SAMUEL 19:5

tümüde apinü Filistiarü yanchoki arhangdung shuhmülanga jihdo, tüsho Atungpuhnü Israel alala thsungkheak akuk ngükhi ato handarüdo. Nünü ju ngü tüsho asühachihdo; dale tümü thsükhi amülim mülarü David laksahkhinü neak yihbeakba le?”