2 SAMUEL 22:7 - AMÜSÜH HÜM CL Bible (BSI)

⁷ I lümthsünükhi chingnü inü Atungpuh ki ji; I Thrünpuh ki inü ji. Api arüngyam chingnü apinü I düsheak so, tüsho inü azhikhi api nükhünbo ching arü.

2 SAMUEL 22:7 Iomraidhean Croise

MUNGSHIKHÜN 107:6

Judüki arünü arü küpkhuk ching Atungpuh ki zhi, tüsho apinü arü lümthsünübo chingnü bekhit.

MUNGSHIKHÜN 116:4

Judüki inü Atungpuh mung ji: “O Atungpuh , inü nü ki mushuchoh, I khümkhitang!”

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 34:6

Zhochihrü mihtsürünü zhi, tüsho Atungpuhnü alojih, tüsho api küpkhukbo alala chingnü khümkhit.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

JONA 2:4

Judüki inü tha, ‘ I nü mikinü limshude tsoshihdo, küde thsah inü nü amüsüh arüngyam kheak kheahloba?’

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.