2 SAMUEL 22:44 - AMÜSÜH HÜM CL Bible (BSI)

⁴⁴ Nünü I mihtsürübonü ayankhi chingnü I bekhit; nünü I trükshihbo kurungkheak akuthsüpü zojih; inü mümükheahkhi mihtsürübonü I tankih.

2 SAMUEL 22:44 Iomraidhean Croise

2 SAMUEL 19:14

Amasanü arü khülang kamde Juda mihtsürü alala mulong kukabah, tüsho arünü kiulongthsüpuh kilim thiyu yüshih, “Nü tüsho nü yamlarü alala alodarang.”

2 SAMUEL 19:9

Israel trük alala ching mihtsürübonü alanajide tha, “Kiulongthsüpuhnü isa riri khah chingnü isa bekhit, tüsho Filistiarü khah chingnü isa khümkhit; tüsho kheakü Absalom dünkheaknü api lomi chingnü tsodo.

2 SAMUEL 20:22

Jushu alibenü alümkhi atsü hanbah mihtsürü alala ki yü. Tüsho arünü Bikri tsührü Sheba ku lipshak, tüsho Joab kilim jipa wukhiukshih. Jumonü apinü hulipungpung khung, tüsho arübo kiuto chingnü müzüt, tüsho Joab a kiulongthsüpuh kilim Jirusalem lim alode ayüchoki mihtsürü alala nihbuh yam lim yü.

2 SAMUEL 3:1

Judüki Saul yamkhün tüsho David yamkhün dükeak thirithsü kim ashang lakheah; David amürangbe tüsho amürangbe kam, tüshe Saul yamkhün ayiuhyiuhbe tüsho ayiuhyiuhbe kam.

2 SAMUEL 5:1

Judüki Israel trük alala Hebron ching David ki arübah tha, “ Kheahang, isa nü shih tüsho nü thiyih ah.

MUNGSHIKHÜN 110:6

Apinü trükshih bolung mahkhapbah, apinü dangpungbo ashemibonü amishihbah, apinü alomi alala yakzanshuhrü zünakbah.

MUNGSHIKHÜN 18:43

Nünü mihtsürübonü zündokhi chingnü I bekhit, nünü I trükshih yo aku kamshih; inü mümükheahkhi mihtsürübonü I tankihpü kam.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

ISAIA 65:1

I mükeokhirünü I yimde alakheah, I müyimrünü I ngükhit. I mung müjirü trükshih kilim inü tha, “ I ha ching lah, I ha ching lah.”

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

ROMRÜ KILIM PAULNÜ ATHRÜTKHI KIHÜM HUHTANYU 15:12

tüsho kheaküshe Isaianü thachoh, “Jesse tsühsoniuso arübah; khiungkerü yakzan shuhpü api arübah tüsho api kheak arünü mulonglam labah.”

ROMRÜ KILIM PAULNÜ ATHRÜTKHI KIHÜM HUHTANYU 9:25

Apinü Hosea ching thachoh, “Sherü I mihtsürü müthsükheanü inü ‘I mihtsürü,’ de ajibah tüsho inü mümuzhobe ki, ‘Inü amuzhobe,’ de ajibah.”

YUZÜNGTHALO 28:13

Tüsho Atungpuhnü nüsa amo yungde aku kamshihbah; inü khihni nüsa kilim jihkhi Atungpuh yukhüm anide jurübo düshihde rhimosho, nüsa akumung lang alabah tüshe abukkhüp lim müla.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”