2 SAMUEL 22:43 - AMÜSÜH HÜM CL Bible (BSI)

⁴³ Inü arü kheak alo asungthulung atsü nangde king, inü arü züthünak tüsho kiudunglimrobo ching akhimniuhniuh nangde arübo jungnak.

2 SAMUEL 22:43 Iomraidhean Croise

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

2 KIULONG THSÜRÜ 13:7

Jumonü Jehoahaz lung aningkhi bonungrü ju khoraberü 50, khoralolungbe 10 tüsho jingnü atsahrü mihtsürü 10,000 lang alakheah; tümüde Siria kiulongthsüpuhnü arübo thsümünim tüsho arübo hinitpung ching asungthulung nangde kamshih.

MUNGSHIKHÜN 18:42

Judüki inü apung müngüh asungthulung nangde arü zünak; kiudunglimrobo ching müneanmuru nangde inü arü jipa bah.

MUNGSHIKHÜN 35:5

Arübo apung müngüh müneang nangde, Atungpuh yunirünü arü yana tsoshang;

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 26:15

Tüshe nünü trükshih alü kamshih, O Atungpuh , nünü trükshih alü kamshih; nü müretahdo; nünü lomi aredung alala jakihshihdo.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

ZEKARIA 2:6

Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,