2 SAMUEL 22:3 - AMÜSÜH HÜM CL Bible (BSI)

³ I Thrünpuh, I lungto, shepü kheak inü jikcho, I tsung tüsho I akhümkhit juh, I tsungdorü tüsho I tsoyukpung, I khümkhitbuh; nünü I thiyih bukpü chingnü khümkhit.

2 SAMUEL 22:3 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

2 SAMUEL 22:31

Ha Thrünpuh–api limro athülünkhi lah; Atungpuhnü alokhikhinü thiyuro huhchoh; api kheak tsoyukrü alala thsungkheaknü api tsung khülang lah.

2 SAMUEL 22:47

Atungpuh rhangdung lah! I Lungto shiang, tüsho I Thrünpuh shuhkihshang, I khümkhitpü Lungto,

2 SAMUEL 22:49

shepünü I riri kheaknü I bekhit; nünü I azhihrü kurungkheak I shuhkihjih, nünü I thiyih bukpü chingnü bekhit.

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

MUNGSHIKHÜN 14:6

Nünü zhochihrü lümkhi achih kipchoh, tüshe Atungpuh ju api tsoyukpung ah.

MUNGSHIKHÜN 140:1

O Atungpuh , amütsü mihtsürü kheaknü I bekhitang; athsümünim mihtsürü kheaknü I küma lashang,

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 140:4

O Atungpuh , mihbukmuyuk khahbo chingnü I kümdoang; I jing mükheshihpü lümkhi thsürü, athsümünim mihtsürü kheaknü I küma lashang.

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

MUNGSHIKHÜN 144:2

I muzhobuh tüsho I chipi, I yo aheangsadam tüsho I bekhitrü, I tsung tüsho I tsoyukpung, shepünü mihtsürü I khüp kamshihcho.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 28:7

Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:2

Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 5:12

Tümüde nünü thiyuro-lungki müngühjihchoh, O Atungpuh ; tsung khülang nangde nünü lümrhihde api kümdochoh.

MUNGSHIKHÜN 55:9

O Atungpuh , thsümünimang tüsho arü yutha chamnakjang, tümüde inü kiuto ching athsümünim tüsho neamneamruru ngüdo.

MUNGSHIKHÜN 59:16

Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

MUNGSHIKHÜN 61:3

tümüde nü I tsoyukpung, thiriri azhihde aheangsadam amüküp khülang ah.

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

MUNGSHIKHÜN 72:14

Apinü junokhi tüsho athsümünim chingnü arü rhangdung rhokhitbah; tüsho arü thiyih ju api miki shoto labah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 84:9

O Thrünpuh, isa tsung kheahang, tüsho nünü mujude-mokhitkhi miro kheah kheahang.

MUNGSHIKHÜN 86:14

Akükheangrünü I azhihde wusudo, O Thrünpuh; mihbukmuyuk mihtsürü botonü I rhangdung yimchoh, tüsho arü miki nü mülashih.

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

MUNGSHIKHÜN 9:9

Atungpuh ju junoa larü thsungkheak tsoyukpung, küpkhuk kim ching kurampung lah.

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

MÜCHITMUDU 30:5

“Thrünpuh yu aban atsangkhitkhi lah; api kheak kinrü kilim api ju tsung ah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 16:9

Tümüde Wuto Atungpuh Israel Thrünpuhnü ha thachoh: Nüsa nimungbo ching tüsho nüsa mük kinü, asühako düsheak akheam thsüshihbah.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

LUKNÜ ATHRÜTKHI THIYUSHEAK-ATSÜ HUHTANYU 1:69

tüsho api yamlarü David yam ching apinü isa thsungkheak akhümkhit juh shuhkih,

LUKNÜ ATHRÜTKHI THIYUSHEAK-ATSÜ HUHTANYU 1:71

junangde isa riribo tüsho isa thraneanrü alala khah chingnü isa khümkhit;

YUZÜNGTHALO 32:37

Tüsho Atungpuhnü athabah, Arü thrünpuhbo küching la, lung küpü ching arü tsoyukcho,

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,

TITA 3:6

küpü apinü isa khümkhitrü Jisu Khrista hode isa kheak me suhdahde dungkihjih,

IBRI 2:13

Tüsho kheaküshe, “Inü api kheak I mulonglam zobah.” Tüsho kheaküshe, “Ha ching I, tüsho Thrünpuhnü I kilim jihkhi tsührübo lah.”

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.