2 SAMUEL 22:24 - AMÜSÜH HÜM CL Bible (BSI)

²⁴ I api miki amülim mülade alakheah, tüsho amülimbo chingnü inü danyuk.

2 SAMUEL 22:24 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

THRÜNTAN 7:1

Atungpuhnü Noa ki tha, “Nü tüsho nü yamkhün alala sangkung ching yüzahang, tümütüsho ha lün ching I miki nü lang thiyurolungki ah de inü ngüdo.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

2 KORINT 5:11

Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

KOLOSI 1:21

Tüsho nüsa sherü khülangki limshude tüsho amütsü rhimode lüm ching thiriri lakhea,

KOLOSI 1:22

api miki nüsa amüsüh, areak mükihde tüsho amülim mülashihpü thsüde api shekhi hode apang ching kheakü apinü tsüarihlodo.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.