2 SAMUEL 22:2 - AMÜSÜH HÜM CL Bible (BSI)

² Apinü thsü: Atungpuh ju I lungto, I chipi tüsho I bekhitrü,

2 SAMUEL 22:2 Iomraidhean Croise

2 SAMUEL 22:32

Tümüde Atungpuh hobah shepü Thrünpuh a? Tüsho isa Thrünpuh hobah shepü lungto a?

2 SAMUEL 22:33

Thrünpuhnü zülu rümkihjihde reangzahloshih tüsho I limro küngküngde khimshuhjih.

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

MUNGSHIKHÜN 144:2

I muzhobuh tüsho I chipi, I yo aheangsadam tüsho I bekhitrü, I tsung tüsho I tsoyukpung, shepünü mihtsürü I khüp kamshihcho.

MUNGSHIKHÜN 31:3

Nü a I lungto tüsho I chipi, nü mung chingnü I beang tüsho kümang.

MUNGSHIKHÜN 42:9

I tsungdojihrü, I Thrünpuh ki inü athabah, “Tümüde nünü I mih-a la? Tümüde I ririnü junokhinü I tüzhode ayüba?”

MUNGSHIKHÜN 71:3

Nü I tsoyukpung lungto khülang, I khümkhitpü chipi khülang thsang, tümüde nü I lungto tüsho I chipi.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.

1 SAMUEL 23:25

Saul tüsho api mihtsürübo api yimde yü. Küyimki Davidnü asokheanü, api lungto lim yükibah Moan sunglo ching la. Küyimki Saulnü ju sokhea, apinü Moan sunglo lim David müshamde yü.

1 SAMUEL 24:2

Judüki Saulnü Israelrü alala bolungnü amokhitkhi mihtsürü 3000 bea lu, tüsho David le amihtsürü yimpü Mütüm Mihnu Lungtobo limpeang yü.