2 SAMUEL 22:1 - AMÜSÜH HÜM CL Bible (BSI)

¹ Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 SAMUEL 22:1 Iomraidhean Croise

2 SAMUEL 12:7

Nathannü David ki tha, “Mihtsürü ju nü ah! Atungpuh Israel Thrünpuhnü ha thachoh: Inü nü Israel kurungkheak kiulongthsürü thsüpü mujude-mokhit, tüsho inü nü Saul khah chingnü khümkhit;

2 SAMUEL 22:49

shepünü I riri kheaknü I bekhit; nünü I azhihrü kurungkheak I shuhkihjih, nünü I thiyih bukpü chingnü bekhit.

1 KIUTHSÜYUKHEAN 16:7

Ju nimung Davidnü akhuhde Atungpuh kilim mungshi khün thsüshihpü Asaph tüsho api buhtsührü kilim hahmülang jih.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 50:14

Makshe jihde shuhmülanga kingaünkhi Atungpuh kilim jihang, tüsho Khide Achangbuh kilim nünü thiyuchihchimkhi jihang;

ABEKHIT 15:1

Judüki Mosa tüsho Israelrünü ha khün thsü, “Inü Atungpuh ki khün thsübah tümüde apinü müretahde akuk ngüdo; khora tüsho api kheak binrü keto ching jipa yüzahshih.

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

YUZÜNGTHALO 31:30

Judüki Mosanü ha khün akheam khiungde Israel boto ki sode khea huh:

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

MAHKHAPRÜ 5:1

Ju nimung Debora tüsho Abinoam tsührü Barak anenü ha khün thsü: @SP ACE=

1 SAMUEL 23:14

Davidnü awung lomi Ziph sunglo lungkhün ching bin. Saulnü animokhün api yim, tüshe Atungpuhnü api khah ching müjih.

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.

1 SAMUEL 26:24

Nü rhangdung ju khihni I mük ki shoto lakheah, jumonü I rhangdung Atungpuh mük ki shoto lashang, tüsho apinü I thsümütsü chingnü bekhitshang.”

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”